Thursday 25th April 2019

    ‘नेपाल प्लस साइज मोडल २०१९’ को आयोजना हुँदै ।    राष्ट्रपति भण्डारी बस्ने होटलमा नेपालको झण्डा    Canadian Film screening in Kathmandu    इएन आई डि सिने अवार्ड –२०७६ मनोनयन सार्बजनिक (लिस्ट सहित)    पाँचौ संस्करणको सुन्दरादेवी म्युजिक अवार्डको आवेदन खुल्ला

कैलाली भन्सारमा ६२ करोडको निर्यात, आयात करिब ८ अर्बको

Tuesday, July 17, 2018 National Power


१ साउन, कैलाली – प्रदेश नम्बर सातको प्रमुख व्यापारीक नाका कैलाली भन्सार कार्यालयबाट आयात बढ्दै गएको छ । पछिल्लो तथ्यांकले कैलाली भन्सार कार्यालयबाट आयात बढ्दै गएको र निर्यात घट्दै गएको देखाएको हो । आर्थिक वर्ष २०७४र७५ को असार २९ गतेसम्म यस भन्सार नाकाबाट ६२ करोड ४५ लाख मूल्य बराबरको वस्तुहरु निर्यात भएको भन्सार अधिकृत गोपीकृष्ण उप्रेतीले जानकारी दिए ।

उप्रतीका अनुसार आयात भने सोही अवधिमा सात अर्ब ८८ करोड मूल्य बराबरको वस्तुहरु आयात भएको छ । जसका कारण कैललाी नाकामात्रै व्यापारघाटा करिब ७ अर्ब २६ करोडको व्यापारघाटा देखिएको छ । भारततर्फ क्वारेन्टाइन चेकपोष्ट नरहेकाले वस्तु निर्यातमा बढोत्तरी हुन नसकेको भन्सार अधिकृत उप्रती बताउछन् । भारतले गौरीफन्टा नाकामा क्वारेन्टाइन चेकपोष्ट बनाउने तयारी भइरहेको भन्दै उक्त चेकपोष्ट तयार भए पश्चात निर्यातमा वृद्धि हुने उनले बताए ।

यस नाकाबाट सबैभन्दा बढी पेट्रोलियम पदार्थ आयात हुने गरेको छ । कुल आयातको ४५ प्रतिशत पेट्रोलिम पदार्थले ओगटेको छ । असार २९ गतेसम्म डिजेल चार अर्ब ३० करोड, पेट्रोल ८१ करोड १६ लाख, ग्याँस ४४ करोड २७ लाख मूल्य बराबरको आयात भएको भन्सार कार्यालयले जनाएको छ । यसैगरी, विस्कुटले ७ प्रतिशत, पेपरले ३ देखि ४ प्रतिशत, दालमोठ, पापड, नमकिन, भुजियाले २ देखि ३ प्रतिशत, स्प्रिटले १ देखि २ प्रतिशत कुल आयातको स्थान ओगटेको छ । त्यसैगरि चामलले कुल आयातको डेढ प्रतिशत ओगटेको छ ।

आर्थिक वर्ष २०७४र०७५ को असार २९ गतेसम्म ८२ करोड ५३ लाख मूल्य बराबरको १७ लाख ४ सय ५७ मेट्रिकटन चामल आयात भएको कैलाली भन्सारले जनाएको छ । सो कार्यालयले चामल आयातबाटमात्रै पाँच करोड ३१ लाख राजस्व सङ्कलन गरेको छ । आर्थिक वर्ष २०७३र०७४ को वैशाखसम्म ७४ करोड मूल्य बराबरको १२ हजार ७ सय २० मेट्रिकटन चामल आयात भएको थियो । आव २०७४र०७५ को वैशाखसम्म १२ हजार ६ सय ८० मेट्रिकटन चामल आयात भएको छ । कैलाली भन्सार नाका भएर काठमाडौंका लागि तयारी मनसुली र यहाँ सञ्चालित मिलका लागि चामल आयात हुने गरेको भन्सार अधिकृत उप्रेतीले जानकारी दिए ।

यसैगरी सूर्ती आयातबाट चार करोड ६९ लाख राजस्व सङ्कलन भएको छ भने १७ करोड १२ लाख रुपैया बराबरको ११ हजार ८ सय २४ मेट्रिकटन कोइला आयात भएको छ । कोइला आयातबाट तीन करोड ३२ लाख रुपैया राजस्व सङ्कलन भएको भन्सार कार्यालयले जानकारी दिएको छ । कैलाली भन्सार नाका भएर आयात बढ्दै गएकाले राजस्व सङ्कलनको लक्ष्य पनि बढ्दै गएको उप्रेतीले बताउछन् । उनका अनुसार आर्थिक वर्ष २०७५र०७६ मा ४० प्रतिशत बृद्धि गरेर यो भन्सार कार्यालयका लागि पाँच अर्ब ३७ करोड रुपैया राजस्व सङ्कलनको लक्ष्य निर्धारण गरिएको छ । आर्थिक वर्ष २०७४र०७५ मा कैलाली भन्सारले लक्ष्यको ८ प्रतिशत बढी चार अर्ब २० करोड रुपैया राजस्व सङ्कलन गरेको छ । यो आर्थिक वर्षमा तीन अर्ब ८७ करोड राजस्व सङ्कलन गर्ने लक्ष्य रहेको थियो । कैलाली भन्सारले आर्थिक वर्ष २०७३र०७४ मा दुई अर्ब ७ करोड रुपैया लक्ष्य पाएकोमा लक्ष्यभन्दा बढी दुई अर्ब ९२ करोड रुपैया राजस्व सङ्कलन गरेको थियो ।

तरकारी, फलफूलबाट करिब ४६ लाख राजश्व संकलन

कैलाली भन्सार नाका भएर एक वर्षको अवधिमा भारतबाट खसार ८ गतेसम्ममात्रै ४५ करोड ९४ लाख रुपैयाँ बराबरको तरकारी र फलफूल आयात भएको छ । यद्यपि, अघिल्लो वर्षभन्दा यो आर्थिक वर्षमा तरकारी र फलफूल आयात केहि घटेको भन्सार अधिकृत उप्रेतीले जानकारी दिए । उनका अनुसार भारतबाट आलु, प्याज, टमाटर, हरियो साग लगायत आयात हुँदै आएको छ ।

यसैगरी, फलफूलमा स्याउ, सुन्तला, आँप, अङ्गुर भारतबाट आयात हुँदै आएको छ । आर्थिक वर्ष २०७४÷०७५ मा १३ करोड ८ लाख रुपैया बराबरको दुई हजार ४ सय १२ मेट्रिकटन फलफूल आयात भएको छ । जसबाट ६५ लाख रुपैया राजस्व संकलन भएको भन्सारले जानकारी दिएको छ । आर्थिक वर्ष २०७३र०७४ मा १३ करोड ५६ लाख मूल्य बराबरको तीन हजार २ सय ७४ मेट्रिकटन फलफूल आयात भएको थियो । अघिल्लो वर्षमा फलफूल आयातबाट ७१ लाख ४८ हजार रुपैया राजस्व संकलन भएको थियो ।