Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

कान्छा निर्देशकको ‘हैरान’को पोष्टर रिलिज

Tuesday, April 3, 2018 National Power

२० चैत,काठमाण्डौ – चलचित्र ‘हैरान’को पोष्टर रिलिज गरिएको छ । चलचित्रको छायांकनमै समय लागेपछि यसको निर्माणपक्षले प्रचारको कुनै पनि सामाग्री बाहिर ल्याउन सकेको थिएन ।

तर, अब जेठ ४ गतेलाई चलचित्रको प्रदर्शन मिति तोकिएपछि यसको निर्माणपक्ष प्रचारमा तातेको हो । आज काठमाण्डौमा आयोजना गरिएको पत्रकार सम्मेलनमा चलचित्रको पोष्टर रिलिज गरिएको छ । चलचित्रको पोष्टरमा सबै कलाकार अटाएका छन् ।

यो चलचित्र जेठ ४ गतेबाट रिलिज हुँदैछ । चलचित्रमा सरोज खनाल, सत्यराज आचार्य, निर्मल शर्मा, गजित बिष्ट, सागर लम्साल, निश्मा घिमिरे, एन्जल राई, शिशिर भण्डारी, आरोही शर्मा मुख्य भूमिकामा छन् ।

चलचित्रलाई विश्वकै कान्छा निर्देशक सौगात बिष्टले निर्देशन गरेका हुन् । पत्रकार सम्मेलनमा बोल्दै सौगातले आफूले राम्रो चलचित्र बनाएको बताए । यो चलचित्र कमेडी जनरामा तयार भएको छ । डान्स फेभरको ब्यानरमा निर्माण भएको चलचित्रमा मुक्ती घले, श्रृष्टी घिमिरे र डाक्टर वाइ एल लामाको लगानी छ । संझना पोखरेल चलचित्रकी कार्यकारी निर्माता हुन् ।