Wednesday 22nd May 2024

    १२ औं नेपाल अफ्रिका फिल्म फेस्टिबल–२०२४ असारको पहिलो साता हुने    चलचित्र पत्रकारिता दिवसको अवसरमा चलचित्र पत्रकार संघले भव्यरुपमा मनायो आफ्नो २५ औं वार्षिक उत्सब    कमल एक्चै मगरको निर्देशनमा बनेको चलचित्र ‘शिरफूल’ असार ७ मा    गायक थापाको मर्मश्पर्शी गीत ‘दिलमा आगो’ को म्युजिक भिडियो सार्वजनिक    १५ औं प्रिज्मा डि सिने अवार्ड भव्य रुपमा सम्पन्न

नेदरल्याण्डसँग ३-० ले हार्‍यो पोर्चुगल, गोल यात्रामा रोनाल्डोको ब्रेक

Tuesday, March 27, 2018 National Power

१३ चैत, काठमाडौं – विश्वकपको तयारीमा रहेको पोर्चुगल मैत्रीपूर्ण खेलमा नेदरल्याण्डसँग ३-० ले पराजित भएको छ । सोमबार राति जेनेभामा भएको खेलमा विश्वकपमा छनोट हुन नसकेको नेदरल्याण्डले पोर्चुगललाई हराएको हो । पछिल्ला खेलमा लगातार गोल गर्दै आएका पोर्चुगलका स्ट्राइकर क्रिष्टियानो रोनाल्डोले यस खेलमा भने गोल गर्न सकेनन् ।

नेदरल्याण्डका लागि मेम्पिस डिपेइ, रायन बाबेल र विर्गिल भान डिजेकले एक-एक गोल गरे । पोर्चुगलविरुद्ध नेदरल्याण्डले पहिलो हाफमा नै तीन गोल गर्‍यो । दोस्रो हाफमा पोर्चुगल १० खेलाडीमा सीमित भयो तर थप गोल भने खाएन । कावाको क्यानसेलो दोहोरो पहेंलो कार्ड खाँदै ६१ औं मिनेटमा बाहिरिएपछि पोर्चुगल १० खेलाडीमा सीमित भएको हो । गोलयात्रामा ब्रेक लागेपछि रोनाल्डोलाई ६८ औं मिनेटमा जोएओ माउन्टिन्होले प्रतिस्थापन गरेका थिए । रुसमा हुने विश्वकप फुटबलमा पोर्चुगल समूह ‘बी’ मा परेको छ । यो समूहमा स्पेन, मोरक्को र इरान पनि छन् ।