Sunday 14th July 2024

    चलचित्र कलाकार संघ र महर्षि वैदिक फाउण्डेसनको ध्यान एवं योगासनको अभ्यास कार्यक्रम सम्पन्न    Writers Corner Nepal welcomed the esteemed Indian poet Dr. Bhawani Shankar    नेपाली कांग्रेस जन सम्पर्क समिति अल कासिमको सभापतिमा टिकाराम तामाङ चयन    Esteemed Indian poet Nil including 16 Nepali poets recited the poem    कार्कीको नेतृत्वको फान यूएसए च्याप्टरलाई कलाकार संघको आधिकारिता

मन्त्री र सचिव कहाँ धाउँदैमा कर्मचारी समायोजन रोकिँदैनः मन्त्री पण्डित

Friday, March 23, 2018 National Power

९ चैत, विराटनगर – संघीय मामिला तथा सामान्य प्रशासनमन्त्री लालबाबु पण्डितले स्वेच्छिक अवकाशका लागि कर्मचारीले दिएको निवेदन स्वीकृत नहुने बताएका छन् । उनले कर्मचारी समायोजन नरोकिने समेत स्पष्ट पारे । ‘अघिल्लो सरकारले ल्याएको स्वेच्छिक अवकाश प्याकेजका लागि कर्मचारीहरुले निवेदन दिएका छन्, तर त्यो स्वीकृत हुँदैन’, स्वेच्छिक अवकाश प्याकेज के हुने भन्नबारे अन्योलता देखिरहेका बेला मन्त्री पण्डितले भने ।

मन्त्री पण्डितले सरकारले निजामती कर्मचारीको तालीम, विदेश अध्ययन भ्रमणअनुसार राज्यलाई प्रतिफल दिनुपर्ने भन्दै स्वेच्छिक अवकास अधिकार नभएर सुविधा मात्रै भएको बताए । जनतालाई प्रत्यक्ष अनुभूति हुने गरी सार्वजनिक सेवा प्रवाह गर्न निजामती कर्मचारीलाई आग्रह गर्दै उनले उच्च मनोबलका साथ आफ्नो पदीय जिम्मेवारी वहन गर्न कर्मचारीलाई निर्देशन दिए

उनले कर्मचारी समायोजनक रोक्न चलखेल भएको भन्दै मन्त्री र सचिवकोमा धाउँदैमा त्यो नरोकिने स्पष्ट पारे । ‘मन्त्री र सचिवकोमा धाउँदैमा कर्मचारी समायोजन रोकिँदैन’, मन्त्री पण्डितले भने । मन्त्री पण्डितले सरकार कर्मचारीको सेवा र सुविधा वृद्धि गर्न तयार रहेको उल्लेख गर्दै त्यसका लागि कर्मचारी खटिएको स्थानमा जानुपर्ने सर्त राखे । प्राविधिक कर्मचारीले स्थलगत रुपमा कार्य नगरेकाले देशको दुर्दशा भएको उल्लेख गर्दै उनले कामको क्षेत्रसँग विषय नमिलेका कारण नै आफूले प्राविधिक कर्मचारीलाई प्रशासनमा जान रोकेको बताए ।