Friday 22nd September 2023

    निर्देशक सुमनको तिमीलाई चाँडै सार्वजानिक    संगीतकार योगेन्द्र उपाध्यायको नयाँ गीत ‘बाचेका थियौ’ सार्वजनिक    प्रधानसेनापतिद्धारा ‘वीर नेपाली सेना’ गीत सार्वजनिक    चार पार्टीका युवा संगठनले गराए राखेप सदस्य सचिव घिसिङको ध्यानाकर्षण    साल्ट ट्रेडिङका पूर्व अध्यक्ष कल्याण गोविन्द श्रेष्ठलाई पत्नी शोक

२३ जना बङ्गलादेशी यात्रुको शव ढाका लगियो

Monday, March 19, 2018 National Power

५ चैत ,काठमाडौँ –  त्रिभुवन अन्तर्राष्ट्रिय विमानस्थलमा भएको यूएस–बांग्ला विमान दुर्घटनामा परी ज्यान गुमाएकामध्ये २३ जना बङ्गलादेशी यात्रुको शव सोमबार बंगलादेशको राजधानी ढाका पठाइएको छ । बिबिसी नेपाली सेवासँग कुरा गर्दै दूतावासका कन्सुलर अल अलेमुल इमामले नेपाली पक्षले मृतकको पहिचानपछि हस्तान्तरण गरेका बङ्गलादेशी नागरिकको शव बोकेको विमान अपरान्ह २ बजे त्रिभुवन अन्तर्राष्ट्रिय विमानस्थलबाट उडेको हो ।

पहिचान गरिएका मृतकहरूमा १० जना महिला, दुईजना बालबालिका र ११ जना पुरूष भएको कन्सुलर इमामले बताएका छन् । बङ्गलादेशी नागरिकहरूको शव लिन बङ्गलादेशबाट विशेष उडान काठमाण्डौँ आएको थियो । विमान ४ बजे ढाकास्थित हजरात शाहजलाल अन्तर्राष्ट्रिय विमानस्थलमा अवतरण गर्नेछ । ती शवहरू ढाकाको विमानस्थलबाट सैनिक रङ्गशाला लगिनेछ जहाँ विशेष प्रार्थनासभा आयोजना हुँदैछ ।

दुर्घटनामा घाइते भएका १० जना बांग्लादेशी यात्रुमध्ये थप उपचारका लागि आठ जनालाई ढाका र दुई जनालाई सिङ्गापुर पठाइएको कन्सुलर इमामले बताए। अझै तीन जना बङ्गलादेशी यात्रुको शव पहिचान हुन बाँकी छ ।