२५ फागुन, काठमाडौं –उपत्यका स्थित थापाथली, माईतीघर, टेकु, केशरमहल, लैनचौर, सोह्रखुट्टे, कलंकी, कोटेश्वर, जडिबुटी हुँदै चल्ने सवारी साधन भने यतिबेला केही चापमा चलिरहेका छन् । बल्खु, नख्खु, एकान्तकुना, चावहिल, मित्रपार्क र गौशाला हुँदै चल्ने सवारी साधन यतिबेला चापमा चलिरहेका छन् । यसबाहेक उपत्यकाका अन्य चोकमा भने सवारी साधन ट्राफिक ब्यवस्थपनका क्रममा केही समय रोकिनुपर्ने अवस्था रहेको छ । उता बसुन्धारा टोखा चल्ने सवारी साधनको आवागमन प्रभावित भएको छ । ढल मर्मतको काम भैरहेका कारण उक्त सडकखण्ड हुँदै चल्ने सवारी साधनलाई सामाखुशी ग्रिनल्याण्ड हुँदै चलाइएको छ । विभिन्न नाका प्रयोग गरी उपत्यका भित्रिने र बाहिरीने सवारी साधनको आवागमन भने सामान्य रहेको छ ।
सप्तरीको कंचनरुप नगरपालीका ११ मा आज दुई वटा मोटरसाईकल आपसमा ठोकिदा ४ जना घाईते भएका छन् । ना २१ प ९५ ६५ र लु ३४ प ६५ ८५ नम्बरका मोटरसाइकलहरु आपसमा ठोकिएका हुन् । दुर्घटनामा ९५ ६५ नम्बरको मोटरसाईकल चालक कंचनपुर नगरपालीका ११ का ४० बर्षीय विरेन्द्र मण्डल, पछाडी सवार ६० बर्षीय सुर्य नारायण चौधरी, ६५ ८५ नम्बरका चालक सप्तरी डाक्नेश्वरी नगरपालीका ९ का २६ बर्षीय अजय कुमार चौधरी र पछाडी सवार १८ बर्षीय प्रभाष चौधरी घाईते भएका हुन् । घाईते मध्ये सुर्य नारायणको अवस्था भने गम्भिर रहेको छ । उनलाई उपचारको लागी गोल्डेन अस्पताल विराटनगर पठाईएको छ । अन्य घाईतेको स्थानिय धर्मेश्वर अस्पतालमै उपचार भैरहेको छ । आज बिहान ९ बजे, भएको सवारी दुर्घटनामा संलग्न दुवै सवारी साधनलाई ईलाका प्रहरी कार्यालय ठेलिया सप्तरीले नियन्त्रणमा लिएको छ ।
बाराको निजगढ नगरपालिका ९ स्थित कुमारी बैंक नजिकै आज बोलेरो जिपको ठक्करबाट साइकलयात्री घाइते भएका छन् ।आज बिहान पौने ८ बजे निजगढबाट पथलैयातर्फ जाँदै गरेको ना ३ च ७५ ९३ नम्बरको जिपले निजगढ नगरपालिका ९ का ४५ वर्षीय निमा दोर्जे सवार रहेको साइकललाई ठक्कर दिएको थियो । घाइते दोर्जेको स्थानीय अस्पतालमा उपचार भइरहेको छ । ठक्कर दिने जिप सहित चालकलाई इलाका प्रहरी कार्यालय निजगढ बाराले नियन्त्रणमा लिएको छ ।