२४ फागुन,काठमाण्डौ – एभरेष्ट नेपाल कल्चर गु्रपको आयोजनामा नवौ अन्तराष्ट्रिय लोक साँस्कृतिक मेला एक समारोहको विच सम्पन्न गरेको छ । लालिगुराँस नेशनल एकेडेमीको दशौँ वार्षिकोत्सवको अवसर पारेर विभिन्न ११ देशका कलाकारहरुको प्रस्तुति सहितको बार्षिकोत्सव समारोह सम्पन्न भएको छ ।
नेकपा माओवादीका अध्यक्ष एवं पुर्वप्रधान मन्त्री पुष्प कमल दाहाल प्रचण्डको प्रमुख आतिथ्यतामा सम्पन्न कार्यक्रममा नेपाल, भारत,बँगलादेश, मलेसिया,ईण्डोनेसिया,ईजरायल ईष्टोनिया,ईटली,ग्रीस,टर्की र कोष्टारीका गरि ११ वटा देशका कलाकारहरुले आ आफ्नो देशको साँस्कृतिक नृत्य प्रस्तुत गरेका थिए । कार्यक्रममा पुर्व प्रधानमन्त्री दाहालले यस्ता किसिमका कार्यक्रमले देशको लोक साँस्कृतिको पर्यटन प्रवद्र्धन मात्रै नगरेर विश्वभरीका सँस्कृतिको अन्तक्रिय मार्फत मित्रताको भावनालाई अझ बलियो बनाउन सहयोग पुग्ने बताए ।
साथै लालिगुराँस एकेडेमीले शिक्षाका साथ साथै कला र सँस्कृतिमा पनि योग्य र कुशल नागरिक जन्माउने जमर्को गरेकोमा एकेडेमीका सम्पुर्ण पदाधिकारीहरुलाई बधाई तथा धन्यबाद समेत दिए । नयाँ संस्कृतिलाई अगाडी बढाउने प्रयास गरेकोमा शुभकाना दिए । कार्यक्रममा विदेशी कलाकारहरु, संस्कृतिविद सत्यमोहन जोशी लगायत स्रष्ठा र सर्जकहरुको सहभागीता रहेको थियो । कार्यक्रममा लालिगुराँस एकेडेमी, ऐश्वर्य सेवा समाज र नेपाल फक्लोरीक फाउण्डेसन सहयोगमा सो कार्यक्रम सम्पन्न भएको हो ।
कमला जोशी/ सम्पादक पावर न्युज मासिक