ट्राफिक अपडेट

१८ फागुन,काठमाण्डौ – उपत्यका स्थित बल्खु, कलंकी, सातदोबाटो, कोटेश्वर हुदै संचालन हुने सवारी साधन यतिबेला क्युमा चलिरहेका छन् । बल्खु बाट परिक्षा नियन्त्रण कार्यालय जाने मुख्य सडकमा पुरानो कालोपत्रे हटाउने कार्य भैरहेको कारण बल्खु क्षेत्रमा सवारी क्युको अवस्था रहेको हो । कलंकी सडकपनि विस्तारको क्रममा रहेकाले थानकोट, खसीबजार र मकालु हुदै कलंकी आउने र जाने सवारी साधन पनि क्युमा चलिरहेका छन् । जडिबुटीबाट कोेटेश्वर आउने सवारी साधनको क्यु मनहरा पुल सम्म पुगेको ट्राफिक कन्ट्रोल रुमले जनाएको छ । सोह््रखुट्टे, लैनचौर, थापाथली, कुपण्डोल, लोत्सेचोक, पुतलीसडक, त्रिपुरेश्वर, टेकु, टंकेश्वर र कालीमाटी हुदै संचालन हुने सवारी साधनले भने ट्राफिक व्यवस्थापनको क्रममा केही समय रोकीनु पर्ने अवस्था रहेको छ ।

सवारी क्यु रहेको स्थानहरुमा ट्राफिक व्यवस्थापनको कार्य भैरहेको छ । विभिन्न नाका प्रयोग गरि उपत्यका भित्रीने र बाहिरीने सवारी साधन भने सामान्य तवरलेनै संचालन भैरहेका छन् । यद्यपी फर्पिङ्गबाट माथिल्लो बाटो संचालन हुने सवारी साधन भने प्रभावित भएका छन् । बिहान भएको सवारी दुर्घटनाका कारण स्थानियले सडक अवरुद्ध गरेका कारण सवारी आवागमन प्रभावित भएको हो । अवरुद्ध सडक खुलाउने प्रयास भैरहेको छ ।

काठमाडौंको सिनामंगल स्थित बागमती नदिमा आज एक बेबारिसे शव फेला परेको छ । बिहान ८ बजे, सडी गलेको अवस्थामा नदिमा फेला परेको पुरुषको शवलाई पोष्टमार्टको लागी शिक्षण अस्पताल महाराजगज पठाइएको महानगरिय प्रहरी वृत्त नयाबानेश्वरले जनाएको छ । घटनाको सम्बन्धमा अनुसन्धान शुरु गरिएको छ । काभ्रेपलान्चोकको भुम्लु गाँउपालीका ८ बन्देउ स्थित प्रतिक्षालयमा आज बिहान १ पुरुष मृत्त अवस्थामा फेला परेका छन् । अन्दाजी ४५ बर्षीय पुरुष व्यक्ती प्रतिक्षालयमा सुतिरहेको अवस्थामा बिहान ८ बजे, मृत्त फेला परेका हुन् । घटनाको सम्बन्धमा जिल्ला प्रहरी कार्यालय काभ्रेले आवश्यक अनुसन्धान गरिरहेको छ ।

उता रौतहटको चन्द्रपुर गाँउपालीका ४ स्थित लच्कामा पनि आज एक महिला मृत्त अवस्थामा फेला परेकी छिन् । अन्दाजी ६० बर्षीया महिला बिहान पौने ९ बजे, मृत्त फेला परेको ईलाका प्रहरी कार्यालय चपुरले जनाएको छ । सडकबाट केही मिटर पर जंगलको छेउमा मृत्त फेला परेकी महिलाको शरिरमा कुनै बाहिरी चोट पटक नदेखिएको चपुर प्रहरीले जनाएको छ । शवलाई पोष्टमार्टको लागी जिल्ला अस्पता चपुर पठाईएको छ ।

काठमाडोंको चुच्चेपाटीमा हिजो बेलुकी धारिलो हतियार प्रहारबाट गम्भिर घाईते भएका एक व्यक्तिको मृत्यु भएको छ । चुच्चेपाटी बस्ने २५ बर्षीय छिरिङ शेर्पाको मृत्यु भएको हो । हिजो बेलुकी पौने ९ बजे, उनलाई चुच्चेपाटी स्थित लुम्बिनी कलेज नजिकैको गल्लीमा वतन नखुलेका २३ बर्षीय विवेक तामाङले छातीमा चक्कु प्रहार गरेका थिए । गम्भिर घाईते अवस्थामा भेटिएका शेर्पालाई तत्कालै उपचारको लागी मेडिकेयर अस्पताल चावहिल पठाइएकोमा उनको उपचारको क्रममा राती साढे ९ बजे, मृत्यु भएको हो । घटनामा संलग्न तामाङ फरार रहेकाले खोजी भैरहेको छ ।