गायक अर्जुन खरेलको बेगमारीको भिडियो सार्बजनिक

१६ फागुन, काठमाण्डौ – गायक अर्जुन खरेलको स्वरमा रहेको बेगमारी बोलको गीतको भिडियो सार्बजनिक भएको छ । मेरो गीत नामक एल्बममा संग्रहित उक्त गीतमा शब्द र संगीत बिजु बज्रको रहेको छ ।

सुन्दर लावतीको निर्देशनमा बनेको भिडियोमा मुकुन्द भट्टराई र पवित्रा राईको रहेको छ । अन्तराष्ट्रिय नेपाली कलाकार समाज ईनासका सदस्य समेत रहेका खरेलले कलानिधि ईन्दिरा संगीत महाबिद्यालय बाट राम प्रसाद लामिछाने मार्फत संगीतको शिक्षा लिएका छन् । चलचित्र फर्मुलामा समेत उनले पाश्र्व गायन गरेका छन् ।

झापामा जन्मिएका खरेल संगीत कर्म संगै समाज सेवामा पनि सकृय रहेका छन् । चाँदनी कटेजका सञ्चालक समेत रहेका खरेलले हरेक शुक्रबार गजल गायन मार्फत मनोरञ्जन र ब्यापारलाई पनि जोड्ने गरेका छन् ।रेष्टुरेण्टबाट भएको कमाईको केहि प्रतिशत रकम समेत उनले अनाथ बालबालिकाहरुलाई सहयोग गर्दै आईरहेका छन् ।