Friday 29th March 2024

    पाँचौँ नेपाल सांस्कृतिक अन्तर्राष्ट्रिय चलचित्र महोत्सव राजधानीमा सुरु    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’

सल्यान : भावना न्यौपाने भवानी

Sunday, February 18, 2018 National Power

हुँ भावना म मनले कवि मान्छु मान्य सल्यानमा वरद जन्म भयो सुरम्य । 
मेरो छ मिष्ट ममता यसमा प्रणम्य सल्यान पुत्री म भएँ र छ भाग्य धन्य ।।१।। 


मिल्छन् यहाँ फल र फूलहरू अगण्य सल्यान पार्न म सकूँ प्रिय अग्रगण्य । 
पाऊँ सदैव यसबाट पवित्र पुण्य मेरो निमित्त अति वन्दित होस् शरण्य ।।२।। 


यो स्थान पुग्न नसके मन हुन्छ शून्य ठाऊँ मनोरम छ यो अनि कर्मकाम्य । 
श्रद्धेय यो प्रकृतिबाट भयो अनन्य प्रार्थी मुटुप्रणय होस् यसबाट ठम्म ।।३।। 


छन् भावना प्रबल यो स्थल हेर्नलाई छन् चाहना प्रथित उन्नत पार्नलाई । 
गर्नेछु कोशिश सदैव सिङार्नलाई यो जन्मभूमी प्रिय लाग्छ सधैँ मलाई ।।४ ।। 


छन् दन्तपङ्तिसम दृश्य दिने हिमाल छन् कल्पना मनुजका सुकिला विशाल । 
छन् तीर्थधाम अति पावन धर्मपाल आऊन् यहाँ अतिथि हेर्न र बुझ्न चाल ।।५।। 

वर्षाविवेकसित यो स्थल घुम्न जाऊँ गौरीरमेशसित डुल्न गई रमाऊँ । 
आमा विशुद्ध दिलकी विमला घुमाऊँ मेरा पिता प्रिय पवित्र यहीँ डुलाऊँ ।।६।। 


सल्यानको सहज सज्नता समेट्छु साहित्यका सकल मित्र पुगेर भेट्छु । 
आनन्दपूर्वक बसेर थकाइ मेट्छु सल्यानको भजनमा म सदैव खट्छु ।।७।।

-भावना न्यौपाने भवानी ,तुलसीपुर पाँच ग लाइन दाङ ।