२ फागुन, काठमाडौं – चावहिल, मित्रपार्क, गौशाला, पिङगलास्थान सडक खण्डमा यतिबेला सवारी साधन चापमा चलिरहेका छन् । त्यस्तै जमल, केशरमहल, लैनचौर, महेन्द्रशालिक र कलंकी सडक खण्डमा संचालन हुने सवारी साधन पनि चापमै चलिरहेको ट्राफिक कन्ट्रोल रुमले जनाएको छ । सडकमा सवारी साधनको सङख्या बढेका कारण उक्त स्थानमा चाप रहेको हो । मध्यबानेश्वर सडक खण्डमा भने मेलम्ची खानेपानीले सडकमा खाल्डो खनेका कारण उक्त स्थान हुदै चल्ने सवारी साधन पनि चापमा चलिरहेका छन् ।
तनहुको आबुखैरेनी गाउपालिका २ मार्की चोकमा भएको सवारी दुर्घटनामा परि २ जना घाईते भएका छन् । आज बिहान साढे ९ वजे डुम्रेबाट आबुखैरेनीतर्फ आउदै गरेको बा १३ च ४४ ९० नम्बरको कार र बिपरित दिशाबाट आउदै गरेको ग २ प ५२९ नम्बरको मोटरसाईकल एक आपसमा ठक्कर खादा दुर्घटना भएको हो । दुर्घटनामा परि मोटरसाईकल चालक बारा कलैया बस्ने २५ वर्षिय जाबेद आलम र मोटरसाईकलमा पछाडि सवार सोहि ठाउका २० वर्षिय नुरसन आलम घाईते भएका हुन् । घाईते दुबैजनाको चितवन मेडिकल कलेज भरतपुरमा उपचार भईरहेको छ । दुर्घटनामा संलग्न दुबै सवारी साधन र कार चालकलाई ईलाका प्रहरी कार्यालय आबुखैरेनीले नियन्त्रणमा लिएको छ ।