Wednesday 22nd May 2024

    १२ औं नेपाल अफ्रिका फिल्म फेस्टिबल–२०२४ असारको पहिलो साता हुने    चलचित्र पत्रकारिता दिवसको अवसरमा चलचित्र पत्रकार संघले भव्यरुपमा मनायो आफ्नो २५ औं वार्षिक उत्सब    कमल एक्चै मगरको निर्देशनमा बनेको चलचित्र ‘शिरफूल’ असार ७ मा    गायक थापाको मर्मश्पर्शी गीत ‘दिलमा आगो’ को म्युजिक भिडियो सार्वजनिक    १५ औं प्रिज्मा डि सिने अवार्ड भव्य रुपमा सम्पन्न

आजको ट्राफिक अपडेट

Thursday, February 8, 2018 National Power

२५ माघ,काठमाण्डौ -कोटेश्वर, जडिबुटी, तीनकुने, शान्तिनगर हुदै चल्ने सवारी साधन चापमा चलिरहेका छन् । शान्तिनगर स्थित बागमती पुलको एक भाग बिग्रीएका कारण ठुला सवारी साधन १ लेनमा आलोपालो चलाउँदा उक्त वरपरका क्षेत्रमा सवारी चाप रहेको छ । कोटेश्वरको सवारी क्यु लोकन्थली क्रस भएको छ । यस संगै कलंकी सडकमा पनि सवारी साधन चापमा चलिरहेका छन् । मर्मतको क्रममा रहेको सडकमा सवारी साधनको संख्या बढेकाले चाप रहेको हो । यस्तै चावहिल, गौशाला, लैनचौर, केशरमहल, थापाथली, माईतीघर हुँदै चल्ने सवारी साधन पनि चापमै चलिरहेका छन् । सवारी चाप रहेको स्थानहरुमा ट्राफिक व्यवस्थापनको कार्य भैरहेको छ । नाकाहरुको सवारी आवागमन भने सामान्य रहेको छ ।

चितवनको भरतपुर महानगरपालिका २९ गाईघाटमा आज बिहान दुध बोकेको ट्याङकर त्रिशुली नदिमा खस्दा चालक सहित २ जनाको मृत्यु भएको छ । चालक नवलपरासी कोलहुवाका ३० बर्षीय सन्त बहादुर कुमाल र परिचालक उनकै भतिज अन्दाजी २२ बर्षीय लिला बहादुर कुमालको मृत्यु भएको हो ।आज बिहान ६ बजे, ना ७ ख ४३१४ नम्बरको ट्रकले बा४ख ६९५३ नम्बरको ट्याङकरलाई ठक्कर दिएको थियो । ट्रकको ठक्करबाट ट्याङकर सडकबाट अन्दाजी एक सय मिटर तल त्रिशुली नदिमा खसेको थियो । पानी भित्र ट्याङकरमै च्यापिएका कुमालद्धयलाई सशस्त्र प्रहरीको गोताखोर टोलीले बाहिर निकालेको थियो ।

चितवनको भरतपुर महानगरपालिका १ पोखरा बसपार्क नजिकै लोडरको ठक्करबाट एक जनाको मृत्यु भएको छ । मृत्यु हुनेमा तनँहुका २१ वर्षिय तेस्रो लिङ्गी कृष्ण गुरुङ्ग रहेका छन् । बिहान पौने ९ बजे को १ ख ७७८ नम्बरको लोडरको ठक्करबाट गम्भिर घाईते भएका उनको उपचारको लागि अस्पताल लैजाँदै गर्दा बाटोमा नै मृत्यु भएको हो । लोडर र चालकलाई नियन्त्रणमा लिएको जिल्ला प्रहरी कार्यलय चितवनले जानकारी दिएको छ ।

काठमाडौको एयरपोर्ट स्थित कार्गो नजिकै आज बिहान भएका दुई छुट्टाछुट्टै सवारी दुर्घटनामा १ जनाको मृत्यु भएको छ भने १ जना गम्भिर घाईते भएका छन् । आज बिहान ६ बजे बा २ ख ५४२१ नम्बरको बस र बा ८० प ३७ ३८ नम्बरको मोटरसाईकल आपसमा ठोकिदा मोटरसाईकल पछाडी सवार काठमाडौं पिंगलास्थान बस्ने सुनसरी ईटहरीकी रविना ओझाको मृत्यु भएको हो । गम्भीर घाईते भएकी उनको उपचारको क्रममा काठमाडौं मेडिकल कलेज सिनामंगलमा बिहान ८ बजे मृत्यु भएको हो ।दुर्घटनामा संलग्न बसलाई प्रहरीले नियन्त्रणमा लिएको छ ।

आज बिहान बा ८९ प २३०२ नम्बरको मोटरसाईकल पैदलयात्रीलाई ठक्कर दिएर पल्टिँदा दुई जना घाईते भएका छन् । मोटरसाईकल चालक काडाँघारीका ३३ बर्षीय मन्दिप अधिकारी र पैदलयात्री काठमाडौं शान्तिनगर बस्ने ४५ बर्षीय देवचन्द्र राई घाइते भएका हुन् । राईको राष्ट्रिय ट्रमा सेन्टरमा उपचार भैरहेको छ भने अधिकारीको काठमाडौं मेडिकल कलेज सिनामंगलमै उपचार भैरहेको छ ।

रुपन्देहीको सैनामैना नगरपालिका २ झारबैरामा आज हात्ती गाडेीको ठक्करबाट मोटरसाईकलमा सवार दम्पती घाईते भएका छन् । घाईते हुनेमा मोटरसाईकल चालक स्थानिय ४५ वर्षिय जाल बहादुर पुन र पछाडी सवार उनकी ४३ वर्षिया श्रीमती शोभा पुन रहेका छन् । घाईते दुबैको लुम्बिनी अंचल अस्पतालमा उपचार भैरहेको छ । आज बिहान पौने १० बजे लु १ ज ५४२५ नम्बरको गाडीले लु ३१ प ७५१३ नम्बरको मोटरसाईकललाई ठक्कर दिएको हो । दुर्घटनामा संलग्सन वारी साधन नियन्त्रणमा लिएको र गाडी चालक फरार रहेकाले खोजिकार्य भैरहेको ईलाका प्रहरी कार्यलय रन्यौराले जानकारी दिएको छ ।