Wednesday 10th July 2024

    चलचित्र कलाकार संघ र महर्षि वैदिक फाउण्डेसनको ध्यान एवं योगासनको अभ्यास कार्यक्रम सम्पन्न    Writers Corner Nepal welcomed the esteemed Indian poet Dr. Bhawani Shankar    नेपाली कांग्रेस जन सम्पर्क समिति अल कासिमको सभापतिमा टिकाराम तामाङ चयन    Esteemed Indian poet Nil including 16 Nepali poets recited the poem    कार्कीको नेतृत्वको फान यूएसए च्याप्टरलाई कलाकार संघको आधिकारिता

आजको ट्राफिक अपडेट

Wednesday, February 7, 2018 National Power

२४ माघ,काठमाण्डौ – उपत्यकाको सवारी आवागमन यतिबेला सामान्य रहेको छ । बिहानको समयमा सडकमा सवारी साधनको संख्या कम रहेका कारण आवागमन सामान्य रहेको हो । विभिन्न नाका प्रयोग गरि उपत्यका भित्रीने र बाहिरीने सवारी साधन पनि सामानय तवरलेनै संचालन भैरहेको ट्राफिक कन्ट्रोल रुमले जनाएको छ ।

ललितपुरको सातदोबाटोमा गएराती भएको सवारी दुर्घटनामा पैदलयात्रीको मृत्यु भएको छ । सप्तरीको सप्तकोशी नगरपालिका फत्तेपुर घर भई हाल सातदोबाटो बस्दै आएका ३५ बर्षीय सन्तोष चौधरीको मृत्यु भएको हो । गम्भिर घाईते भएका चौधरीलाई उपचारको लागी पाटन अस्पताल ल्याउँदै उनको बाटैमा मृत्यु भएको महानगरिय प्रहरी वृत्त सातदोबाटोले जनाएको छ । गएराती ११ बजे नम्बर नखुलेको सवारी साधनको पैदल हिँडीरहेका चौधरीलाई ठक्कर दिएको थियो । दुर्घटना पश्चात् फरार रहेका सवारी साधन सहति चालकको खोजी भईरहेको भैरहेको छ ।

रुपन्देहीको ओमसतीया गाँउपालिका १ मा हिजो बेलुकी ट्रिपरको ठक्करबाट मोटरसाईकल चालक रुपन्देहीकै सिदार्थनगर नगरपालिका १२ बस्दै आएका ४४ वर्षिय रमेश घिमिरेको मृत्यु भएको छ । ट्रिपरको ठक्करबाट गम्भीर घाईते भएका घिमिरेको उपचारको क्रममा मेडिकल कलेज भैरहवामा हिजै मृत्यु भएको स्थानीय प्रहरीले जनाएको छ । हिजो बेलुकी पौने ८ बजे लु १३ प १५४९ नम्बरको मोटरसाईकललाई नम्बर नखुलेको ट्रिपरले ठक्कर दिएको थियो ।

काठमाडौंको सामाखुसीमा आज मोटरसाईकलको ठक्करबाट पैदलयात्री घाईते भएका छन् । काठमाडौं ढुंगेधारा बस्ने नुवाकोट खरानीटार ८ का २२ बर्षीय विजय तामाङ घाईते भएका हुन् । आज बिहान साढे ६ बजे, बा ५१ प ६१९२ नम्बरको मोटरसाईकलको ठक्करबाट घाईते भएका तामाङको सामाखुसी स्थित अल नेपाल अस्पतालमा उपचार भैरहेको छ । सवारी साधन सहित फरार रहेका चालकको खोजी भैरहेको छ ।

ललितपुरको गोदावरी नगरपालीका ७ ताखेलमा आज मिनि ट्रकको ठक्करबाट मोटरसाईकल पछाडी सवार महिला घाइते भएकी छिन् । ललितपुरको गोदावरी नगरपालीका ७ की ४५ बर्षीया गोमा सापकोटा घाईते भएकी हुन् । दुर्घटनामा दुवै खुट्टा फ्याक्चर भएकी उनको वि।एण्ड।वि अस्पताल ग्वार्को ललितपुरमा उपचार भैरहेको छ । आज बिहान साढे ५ बजे, बा ४ ख ८६०३ नम्बरको ट्रकले बा ८९ प ४३०३ नम्बरको मोटरसाईकललाई ठक्कर दिएको हो । दुवै सवारी साधन र ट्रक चालकलाई महानगरिय प्रहरी वृत्त चापागाँउले नियन्त्रणमा लिएको छ ।