इपिएल: अप्पुहामीको चोट अंशुमन रथलाइ, १८ हजार दर्शक उपस्थितिले भाबुक आयोजक

नवराज दुवाडी

१५ पुस, काठमाडौं -टिभिएस एभरेष्ट प्रिमियर लिगको उपाधी विराटनगर वरियर्सले जितेको छ । किर्तिपुर स्थित टियु क्रिकेट मैदानमा आज भएको फाइनल खेलमा भैरहवा ग्ल्याडियर्टसलाइ १ रनले पराजित गर्दै विराटनगरले उपाधी जितेको हो । उपाधीसंगै विराटनगरले ट्रफी र नगद २१ लाख रुपैपाँ पनि हात पारेको छ ।

विराटनगरको आश्चर्यपुर्ण निर्णय
सामन्यतः यो सिजनमा किर्तिपुरको पिचमा टस जित्नेले बलिगं रोज्ने गर्छन । विहानीको समयमा पिचमा मोइस्चर हुने र बल स्विगं हुने भएको कारण टस जित्ने कप्तानले बलिंग रोज्ने गरेका थिए र यो प्रतियोगिताभरी पनि त्यही नै हुँदै आएको थियो । तर विराटनगरका कप्तान पारस खड्काले ब्याटिंग रोजेपछि सबैजना आश्चर्यमा परेका थिए ।

विशेष गरी आफ्ना विदेशी खेलाडी अंशुमन रथ र बाबर ह्यातले प्रतियोगिता भरीनै उत्कृष्ठ प्रदर्शन गरिरहेको आधारमा पहिले ब्याटिंग गरेर ठूलो योगफल तयार पारी विपक्षीलाइ दवावमा राख्न चाहन्थे । जस्को फलस्वरुप उस्का विदेशी खेलाडी रथले आजपनि उत्कृष्ट ब्याटिंग गरे र ४१ रनको पारी खेले । यस क्रममा आजपनि विराटनगरका ओपनिगं ब्याट्सम्यान आसिफ शेल फ्लप हुँदा बाबार ह्यातले ११ तथा कप्तान पारस खड्काले २७ रनको पारी खेलेका थिए । अनिल साहले २२ रनको पारी खेल्दा प्रनित थापा मगरले १४ रन रन बनाई टिमको स्कोर १४९ रन पुर्याएका थिए ।

भैरहवाका लागि हरिशंकर साह र कृष्ण कार्कीले २ २ विकेट लिँदा आरिफ शेख र शरद भेस्वाकरले १ १ विकेट लिएका थिए ।

अप्पुहामीको चोट अंशुमन रथलाइ
१५० रनको लक्ष्य पाएर मैदान ओर्लिएका दुइ विदेशी खेलाडीहरुले भैरहवाका लागि ठिकै सुरुवात गर्दै थिए । इनिगंको दोश्रो ओभर लिएर टियु इन्डबाट बलिगं गर्न आएका विराटनगरका लागि श्रीलकंन खेलाडी साहन अदिशा अप्पुहामील ओभरको दोश्रो बल फाल्न नपाउँदै दाहिने खुट्टामा चोट बोकी मैदान बाहिरीन बाध्य भए ।

रेगुलर बलर घाइते भएपछि इनिगंको आठौँ ओभर हंगंकगंका अंशुमन रथलाइ बलिंग गन लगाए । अंशुमनको पहिलो बलमा प्रथम शालुन्केले १ रन बनाए । दोश्रो र तेश्रो बलमा भैरहवाका कप्तान शरद भेष्वाकरले चौका र छक्का प्रहार गरे । त्यसपछि अंशुमनले आफ्नो लय गुमाएनन् मात्रै सम्भवतः उनको करियरकै सबैभन्दा खराब बलिंग गरे । चौथो बल वाइड फालेका उनले पाँचौ बल पिचमा डबल बाउन्स भयो र त्यसलाई अम्पायरले नो बलको इसरा गरे । छैटौँ बल फ्रि हिट थियो जस्लाइ भेष्वाकरले छक्का प्रहार गरे, सातौँ बलमा कुनै रन आएन, आठौँबल पुन वाइड फाले, नवौँ बल उनले पुनः पिचमा डबल बाउन्स गराए, जस्लाइ शालुन्केले १ रन लिए, दशौँ बल पनि पुनः पिचमा डबल बाउन्स गराए र शरदले छक्का प्रहार गरे, एघारौँ बल फ्रि हिट थियो जस्लाइ शरदे फेरी छक्का प्रहार गरे । यसरी इनिगंको आठौँ ओभरमा भैरहवाले ३६ जोड्यो निकै बलियो स्थितीमा पुग्यो ।

पारस खड्का र अनिल साहको जादु ।
१८ औ ओभर सकिँदा सम्म भैरहवाले ४ विकेट गुमाएर १३९ रन बनाइसकेको थियो । यो बेलासम्म भेष्वाकर ५२, प्रथम शालुन्के २७ तथा प्रदिप ऐरी र राहुल यादव समान ६ रनमा आउट भैसकेका थिए । अन्तिम दुइ ओभरमा जितका लागि ११ रन चाहिएको अवस्थामा क्रिजमा थिए यस प्रतियोगिताभरीनै छाइरहेका दुइ युवा ब्याट्सम्यान आरिफ शेख र रोहित कुमार पौडेल । चोभारइन्डबाट इनिंगको १९औँ ओभर लिएर कप्तान पारस खड्का बलिंगमा आए । ओभरको दोश्रो बलमा क्रिजमा जमिरहेका आरिफ शेखलाइ २७ रनमा एलविडब्लु धरापमा पारे । तेश्रो बल डट, चौथो बलमा १, पाँचौ बल वाइड फाल्दा छ्रटौँ बल डट फाले । तर अन्तिम बलमा प्रतियोगिता भरीनै उत्कृष्ट प्रदर्शन गरीरहेका तथा भैरहवाको जितमा नायक सावित भइरहेका रोहित कुमार पौडेललाइ लगंअनमा अनिल शाहको हातबाट क्याच आउट गराए ।
अन्तिम ओभरमा भैरहवालाइ जितका लागि ९ रनको आवश्यकता थियो र क्रिजमा थिए विदेशी खेलाडी पुनित मिश्र र कृष्ण कार्की । ओभरको पहिलो बलमा कार्कीले चौका प्रहार गरे, दोश्रो बलमा कार्की वोल्ड आउट हुन पुगे, तेश्रो बल डटफाले, चौथो बलमा भुवन कार्कीलाई शुन्य रनमा रन आउट भए । पाँचौ बलमा पुनित मिश्रलाइ रामनरेश गिरीको हातबाट क्याच आउट गराउँदा अन्तिम बलमा भैरहवाका ब्याट्सम्यान तीन रन लिएपनि त्यो जितको लागि प्रयाप्त भएन र खेल विराटनगरले १ रनले जित्यो ।

ह्यायत उत्कृष्ठ खेलाडी
विराटनगरमा विदेशी खेलाडी बाबर ह्यायत उत्कृष्ठ खेलाडी चुनिए । उनले टिभिएसको अपाचे मोटरसाइबल प्राप्त गरे । त्यसै फाइनलको म्यान अफ द म्याच पारस खड्का भए भने रोहित कुमार पौडेल उदयीमान खेलाडी घोषित भए ।

कप्तानका भनाइ
प्रतियोगिको उापधि जित्नु आँफैमा महत्वपुर्ण भएको तथा यसले नेपाली क्रिकेटलाइ एउटा लेभलमा पुर्याएको पारसको प्रतिक्रिया थियो । साथै उनले आज अंशुमनले ब्याटबाट राम्रो गरेको भएप िबलिंगमा उनको दिन नरहेको र यस्तो हरेक खेलाडी हुने गर्छ भन्ने प्रतिक्रिया दिए ।
साथै भैरहवाका कप्तान शरद भेष्वाकरले ब्याट्सम्याहरुका अनुभवको कमीको कारण हातमा आइसकेको खेल गुमाएको प्रतिक्रिया दिए । उनले यो लेवलको प्रतियोगिता आयोजना गरेकोमा आयोजकलाइ धन्यवाद समेत दिए ।

आमिर अख्तर
प्रतियोगिता निकै सफल भएको र यस बाट आफु अझ हौसिएको बताए । उनले यस विचमा खेलाडी, फ्रेन्चाइज, समर्थ, मिडियाबाट पाएको सहयोगको लागि धन्यवाद दिए । आगामी बर्षहरुमा पनि यो भन्दा अझ उत्कृष्ट बनाउने प्रयास गर्ने र खेलाडीको पारिश्रमिक तथा पुरस्कार राशी बृद्धि गर्न कोसिस गर्ने प्रतिवद्धता समेत जनाए । साथै उनले दर्शकको अपार उपस्थितीले भावुक बनाएको र अझै राम्रो गर्ने प्रेरणा मिलेको बताए

उल्लेख्य दर्शक
नेपाली क्रिकेट जगतमा कुनै पनि घरेलु प्रतियोगिता हुँदा यो यो लेवलको दर्शक मैदानमा ओर्लिएका थिएनन् । नेपाले खेल्ने अन्तर्राष्ट्रिय प्रतियोगिताहरुमा जतिकै दर्शकको उपस्थिती रहेको थियो । आयोजकका अनुसार १० हजार टिकट प्रिन्ट गरिएको थियो, जुन सकिएपछि दर्शकले आइएमइको टिकट काउन्टकर तोडफोड गरेका थिए भने दर्शक दिर्घाको गेट फोडेर दर्शक प्याराफिटमा ओइरिएका थिए । फ्रि पास, टिकट, विना टिकट छिरेका दर्शकहरुको संख्या जोड्दा करिब १८ हजार भन्दा बढी रहेको नेपाल क्रिकेट सपोर्टर सोसाइटिका अध्यक्ष भानु सिग्देलले बताए । सोसाइटीका सदस्यहरु जो टियु मैदानमा प्रतियोगिता भरी स्वयंसेवकको रुपमा खटिएका थिए ।