Sunday 14th July 2024

    University of Wolverhampton Visit in Nepal    चलचित्र कलाकार संघ र महर्षि वैदिक फाउण्डेसनको ध्यान एवं योगासनको अभ्यास कार्यक्रम सम्पन्न    Writers Corner Nepal welcomed the esteemed Indian poet Dr. Bhawani Shankar    नेपाली कांग्रेस जन सम्पर्क समिति अल कासिमको सभापतिमा टिकाराम तामाङ चयन    Esteemed Indian poet Nil including 16 Nepali poets recited the poem

काठमाण्डौले दिपेन्द्रलाई मार्मिक वनायो (भिडियो सहित)

Wednesday, December 27, 2017 National Power

१२ पुस, काठमाण्डौ – पढाई लेखाई सकेर पनि बेरोजगार भएर राजधानी काठमाण्डौ वस्नु पर्दा झेल्नु परेका समस्याहरुलाई जस्ताको त्यस्तै उठान गरेर दिपेन्द्र सुनारले निकै मार्मिक “काठमाण्डौको बसाई” नामक नेपाली पप गीत बजारमा ल्याएका छन् । आफ्नै रचना,संगीत र स्वर रहेको उक्त गीतको म्युजिक भिडियो युट्युवका साथै नेपाली सांगीतिक बजारमा ल्याएका छन् ।


गाउँ तथा दुर–दराजबाट पढाई लेखाई गरि जागिरे हुने र आफ्नो र आफ्नो परिवारको सपना साकार पार्ने निकै ठुलो अभिलाषा बोकेर आम नेपालीहरु राजधानी छिर्ने गर्दछन् । राजधानीमा डेरा भाडामा बस्दा झेल्नुपर्ने अभावहरु र पिडाहरु लगायत यावत कुराहरुलाई गीतकारले उठान गरेका छन् । यस गीतको संगीत संयोजन गोपाल रसाईलीले गरेका छन् ।


साहार फिल्मस् एण्ड ईन्टरटेनमेन्टले बजारमा ल्याएको उक्त गितको म्युजिक भिडियोलाई राम केएसी. ले निर्देशन गरेका छन् भने अजय रेग्मीको छायांकन, श्याम कुँवरको कलर संयोजन अभिनायक एम्. ले सम्पादन गरेका छन् । कुमार सिम्खडा, निशा पाख्रिन लगायतका कलाकारहरुको जिवन्त अभिनय भिडियोमा देख्न सकिन्छ । गीतमा गायक सुनारले पढाई सकेपछि केहि काम नपाएको कुरा जताततै बेरोजगारहरुको लाईन भएको कुरा, महँगीले पेलेको कुराहरुलाई आवाज र दृश्य मार्फत छर्लङग पारेका छन् ।


राजधानीमा सुख सयल खोज्दै आउनेहरु, जागरि खोज्दै राजधानी छिर्नेहरुलाई राजधानीको मनोदशा र यथार्थतासंग यस गीत मार्फत जानकारी दिने उदेश्य लिएका छन् । चट्ट हेर्दा सुविधा सम्पन्न राजधानी देखिए पनि यो केवल धुलो, फोहोर र कंक्रिटको जंगल जस्तै देखिने शहर भएको कुरा आफ्नो रचना मार्फत बताएका छन् ।

– कमला जोशी