Thursday 28th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

ज्ञान निकेतन र सीसीआरसी सेमिफाइनलमा

Sunday, November 26, 2017 National Power

काठमाडौं – सीसीआरसी १६ औं ज्ञान निकेतन कप बास्केटबल च्याम्पियनसिपको प्लस टु ब्वाइजतर्फ बिहीबार सेमिफाइनलमा प्रवेश गरेको छ ।

सीसीआरसीले आयोजक ज्ञान निकेतनलाई ४३–३२ ले पराजित ग¥यो । सीसीआरसीको जितमा आशिष बस्नेतले १४ अंक योगदान गरे ।
प्लस टु ब्वाइजमै ग्रिनफिल्ड र गोल्डेनगेटले पनि सेमिफाइनलमा स्थान सुरक्षित गरे । मनोज खत्रीको १५ अंक सहयोगमा ग्रिनफिल्डले बर्न हार्टलाई ४३–३३ ले हरायो । गोल्डेनगेटले जेभियर इन्टरनेसनल कलेजलाई ४५–२६ ले पन्छायो । गोल्डेनगेटका विवेक राउतले १४ अंक जोडे ।

त्यसैगरी डिफेन्डिङ च्याम्पियन ज्ञान निकेतन दोश्रो माफ अन्तरविद्यालय बास्केटबल प्रतियोगिताको सिनियर गर्लस् सेमिफाइनलमा प्रवेश ग¥यो ।
ज्ञान निकेतनले सम्भावीलाई २४–१२ ले पाखा लगायो । विजयी टिमका लागि डेसी कार्कीले १४ स्कोर गरिन् । त्यस्तै लाइसियम पनि कन्स्टिलेसनमाथि १२–८ को जित निकाल्दै सेमिफाइनलमा पुग्यो । लाइसियमकी अनिशा पोखरेलले ६ अंक बटुलिन् ।
सिनियर ब्वाइजमा न्यु अरुणोदयले क्वाटरफाइनल यात्रा तय ग¥यो । न्यु अरुणोदयले ज्ञान निकेतन ‘सी’ लाई २९–१९ ले पराजित ग¥यो । विजेताका सुजेश लामाले १४ स्कोर गरे ।