३ संसिर,काठमाण्डौ – नेकपा माओवादी केन्द्रका अध्यक्ष पुष्पकमल दाहाल प्रचण्डका छोरा तथा नेकपा माओवादी– केन्द्रका केन्द्रीय सदस्य प्रकाश दाहालको निधनप्रति नेकपा मालेका महासचिव सी.पी मैनालीले दुःख व्यक्त गरेका छन् ।
उहाँको निधनको खबरले सिंगो नेकपा माले स्तब्ध बनेका बताएका छन् । पाटीका महासचिव सी.पी मैनाली नेकपा माओवादी केन्द्रको केन्द्रिय कार्यालय पेरिसडाँडामा गएर दिवंगतप्रकाश दाहाल प्रति हार्दिक श्रद्धाञ्जली व्यक्त गरेका छन् ।
साथै यस दुखद् घडीमा शोकसंतप्त नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल प्रचण्ड सहित समस्त परिवारजनमा गहिरो समवेदना व्यक्त गरेका छन् ।