Friday 26th February 2021

    संसद पुनर्स्थापनापछि प्रधानमन्त्रीले बोलाए मन्त्रिपरिषद् बैठक    वामदेव विहानै खुमलटारस्थित प्रचण्ड निवास पुगे    महेश बस्नेतको दाबी : प्रधानमन्त्रीलाई केही धक्का लागेको छैन, प्रचण्ड-माधवले खाएको लड्डु अब तितो हुन्छ    संसद विघटन गर्ने प्रधानमन्त्रीको विशेषाधिकार हटाएको कि लुकाएको ?    प्रचण्ड भन्छन्- राष्ट्रिय सहमतिका साथ अघि बढ्छौं, ओलीसँग पनि सम्वाद हुन्छ

कपिलवस्तुमा ठूलो परिमाणको विस्फोटक पदार्थ नष्ट

Saturday, October 28, 2017 National Power


 

११ कार्तिक,कपिलवस्तु –  चाडपर्वका बेला कृष्णनगर आसपासका क्षेत्रबाट विभिन्न समयमा बरामद गरिएको प्रज्वलनशील विष्फोटक पदार्थ एक कार्यक्रमका बीच प्रहरीले नष्ट गरेको छ । भारतबाट नेपालतर्फ लुकाईछिपाई गरी ल्याउँदै गरेका झण्डै पचास हजार रकम बराबरको पटाकाजन्य विष्फोटक पदार्थ इलाका प्रहरी कार्यालय कृष्णनगरले लालकोठी कमाण्ड अगाडिको पोखरीमा खाल्डो खनेर पुरेको हो ।

दीपावलीकाबेला अबैध सामानका साथै विस्फोटक पदार्थ नेपाल भित्रिन सक्ने भन्दै विशेष चेकजाँचका क्रममा इलाका प्रहरी कार्यालय कृष्णनगरको गस्ती टोलीले विभिन्न समयमा सो परिमाणको विष्फोटक पदार्थ बरामद गरिएको प्रहरी निरीक्षक सुभाष गैरेले जानकारी दिए ।

पटाका लगायत प्रज्वलनशील पदार्थहरु विक्री वितरण र ओसारपसारमा रोक लगाइएको भएपनि भारतबाट अबैध रुपमा भन्सार छली विस्फोटक पदार्थ नेपाल भित्रिएको गैरेले बताए । गैरेका अनुसार दीपावलीको अवसरमा यसअघि पनि कृष्णनगर नाकाबाट अबैध रुपमा भित्रिएका दुई लाख बढीको पटाकाजन्य विस्फोटक पदार्थ नष्ट गरिएको थियो ।

सीमाक्षेत्रमा हुने अबैध चोरी निकासी रोकथामका लागि खटिएका प्रहरी टोलीले कृष्णनगर आसपासका विभिन्न क्षेत्रबाट विभिन्न समयमा चेकजाँचका क्रममा आतसबाजी, झिरझिरे, पटाका, भुइँचम्पा लगायतका प्रज्वलनशील विस्फोटक पदार्थ ९पटाका० बरामद गरिएको प्रहरी निरीक्षक गैरेले जनाए ।

दीपावली सकिए लगत्तै बरामद गरिएको पटाका स्थानीय पत्रकार, बिभिन्न सरकारी तथा गैह्र सरकारी संस्थाका कर्मचारी र कृष्णनगर नगरपालिकाका कर्मचारी समेतको रोहबरमा नष्ट गरिएको प्रहरी निरीक्षक गैरेले बताए ।