बझाङमा जिप दुर्घटना १० जना घाइते, ४ को अवस्था चिन्ताजनक

९   कात्तिक,बझाङ  – बझाङको सदरमुकाम चैनपुरबाट बागथलाका लागि छुटेको से १ ज ८६१ नम्बरको जिप केदारस्युँ गाउँपालिका–१ मा दुर्घटना हुँदा १० जना घाइते भएका छन् ।

घाइते मध्ये चार जनाको अवस्था चिन्ताजनक रहेको जिल्ला प्रहरी कार्यालयले जनाएको छ । गम्भीर घाइते हुनेमा केदारस्युँ गाउँपालिका–१ का ३८ वर्षीय पशुपति मल्ल, ३६ वर्षीय ईश्वर मल्ल, केदारस्युँ गाउँपालिका–२ का २८ वर्षीय कुमार ओखेडा र रायल १ का २८ वर्षीया जमुना बोहरा रहेका छन् ।
अन्य घाइतेहरुको अवस्था सामान्य रहेको छ । घाइते सबैको उपचार रायल स्वास्थ्य चौकीमा भइरहेको छ । दुर्घटनाको कारण भने खुल्न सकेको छैन ।