बाढीले बगाएर एकजनाको मृत्यु

१५ भदौ, काठमाडौं – गएराती भएको अविरल वर्षाका कारण राजधानीका बागमती, विष्णुमती लगायतका नदी र खोलाहरुमा ठूलो बाढी आएको छ । बागमतीमा बाढीले बगाएर एकजनाको ज्यान गएको छ । बागमती नदी किनारमा बाढीले बगाएर ल्याएको एउटा शव भेटिएको प्रहरीले जनाएको छ ।
बिहान सवा ७ बजे भिएस निकेतन स्कूल तीनकुने नजिकै बागमती नदी किनारामा एक पुरुषको शव भेटिएको हो । अन्दाजी ३५र४० वर्षका पुरुषको शव भेटिएको र उनको सनाखत नभएको महानगरीय प्रहरी वृत्त बानेश्वरका प्रहरीले जनाएको छ । रातीको बाढीले राजधानीका नदी किनारका केही भाग डुबानमा परेका छन् भने अहिले नदी र खोलामा बाढी कम भएको छ ।