करेन्ट लागेर एकको मृत्यु

१४ भदौ, जुम्ला – जुम्लामा करेन्ट लागेर मंगलबार एक जना मृत्यु भएको छ । जिल्लाको तातोपानी गाउँपालिका– १ राँका निवासी २९ वर्षीय पदमबहादुर कठायतको करेन्ट लागेर ज्यान गएको हो ।

चन्दननाथ नगरपालिका–७ बसपार्कनजिक करेन्ट लागेर घाइते कठायतको कर्णाली स्वास्थ्य विज्ञान प्रतिष्ठानमा उपचारको क्रममा मृत्यु भएको जिल्ला प्रहरी कार्यालय जुम्लाले जनाएको छ ।आफूले वनाउन लागेको घरमा मोटर खोल्ने क्रममा कठायतलाई करेन्ट लागेको थियो ।