राष्ट्रिय पण्डित सम्मेलन सुरु

१३ भदौ, काठमाण्डौ – राष्ट्रिय धर्मसभा नेपालको आयोजनामा चौथो राष्ट्रिय पण्डित सम्मेलन सोमबार देखि काठमाण्डौको महेश्वरी सदन कमलपोखरीमा सुरु भएको छ । राष्ट्रिय धर्मसभा नेपालले बिगत ३ बर्षदेखी पण्डित सम्मेलन गर्दै आईरहेको छ ।

धार्मिक सांस्कृतीक कृत्य र पण्डित पुरोहीत आम नेपाली जनता र हरेक घर परीवार संग प्रत्यक्ष्य सरोकार राख्ने बिषय भएकाले यसलाई ब्यबस्थित र एकरुपता ल्याउने उद्धेश्यले देसभरका पण्डितहरु भेला गराई पण्डित सम्मेलन गरिदै आएको आयोजकले जनाएको छ।

चौथो पण्डित सम्मेलनले काजकिरीया र जुठोसुतक, संस्कृत बाङमयको परिचय र महत्व , नेपाली मौलिक संस्कृतीको चिनारी र संरक्षण तथा समसामयीक बिषयहरुमा छलफल गरी आवश्यक लिने छ । सम्मेलन मंगलबार सम्म जारी रहने कुरा राष्ट्रिय धर्मसभा नेपालका महासचिव पुष्पराज पुरुषले जानकारी दिए ।