Sunday 11th April 2021

    कर्पोरेट संस्थामा आवद्द महिला लक्षित 'मिस कर्पोरेट नेपाल' आयोजना हुँदै    ‘फेस अफ टिन,२०२१’ को शिर्ष उपाधि पूर्णिका र सबलको हातमा    माओवादीबाट मन्त्री बनेका ५ सांसदको पद खोसिँदै, पत्र तयार    आधितुफान-२ मा नायक सन्जित भण्डारी अनुबन्धित    ‘मेरो माया करोडमा’ भन्दै सोना, उत्कृष्ट टिकटक बनाउनेलाई ५० हजार (भिडियोसहित)

वैदेशिक रोजगारमा जाने कामदारसँग बढी रकम लिने एजेन्ट रंगेहात पक्राउ

Wednesday, August 23, 2017 National Power


७ भदौ, काठमाडौं – वैदेशिक रोजगारीका लागि कतार जाने कामदारसँग लागतभन्दा बढी रकम असुल्ने एजेन्टलाई वैदेशिक रोजगार विभागले रंगेहात पक्राउ गरेको छ ।
कामदारसँग १ लाख २० हजार रुपैयाँ लिने निड इम्प्लोइमेन्ट सर्भिसकी एजेन्ट सुमिना गुरुङलाई मेनपावर एजेन्सीबाटै रंगेहात पक्राउ गरिएको विभागका प्रवक्ता मोहन अधिकारीले जानकारी दिए ।“पक्राउ परेकालाई विभागले ऐनअनुसार कारबाही अघि बढाउने छ ।” प्रवक्ता अधिकारीले भने, “अहिले कारबाहीका लागि अनुसन्धान भइरहेको छ ।”

मेनपावर एजेन्सीले कामदारसँग सेवा शुल्कवापत् बढीमा १० हजार रुपैयाँ लिन पाउने प्रावधान छ भने यसअघि बढी रकम असुल्ने वाइड स्पेस म्यानपावर कम्पनीका लेखापाल अनिता प्रधानलाई विभागले रंगेहात पक्राउ गरी कारबाही गरेको थियो ।वैदेशिक रोजगारमा जानु अघि सरकारले तोकेको सेवा शुल्क र अनुमतीसम्बन्धी व्यवस्था हेरेर मात्र विदेश जान विभागले अनुरोध गरेको छ । आफू अन्यायमा परेको र म्यानपावरले बढी रकम असुल्न लागेको थाहा पाउने बित्तिकै विभागमा जानकारी गराएर मात्र काम अघि बढाउने विभागका निर्देशक मोहन अधिकारीले आग्रह गरेका छन् ।