Thursday 26th November 2020

    बिपिनको खास लाग्न थाल्योमा बिशाल र सरिताको शसक्त अभिनय (भिडियो सहित)    हाम्रो नाराले दुरगामी सोचलाई प्रतिबिम्बित गर्छ : सुबोध कुमार गुप्ता    एक वर्षका २६ एकादशी, कुन व्रत केका लागि बसिन्छ ?    महोत्तरीमा करेन्ट लागेर एकजनाको मृत्यु    बर्दिवासमा निषेधाज्ञा, ५ जनाभन्दा बढी भेला हुन रोक

करेण्ट लागेर एकको मृत्यु, तीन गम्भीर घाइते

Tuesday, August 22, 2017 National Power


६ भदौ, झापा/डडेल्धुरा– झापाको गौरीगञ्जमा करेण्ट लागेर एकै परिवारका तीन जना गम्भीर घाइते भएका छन्। करेण्ट लागेर गौरीगञ्ज–१ स्थित कुञ्जिबारीका ५५ वर्षीय चन्द्र काफ्ले, श्रीमती ४७ वर्षीया राधिका र छोरी २४ वर्षीया धमना रहेको इलाका प्रहरी कार्यालय दमकले जनाएको छ। गएराति घरमा बसिरहेका बेला ‘मेन लाइन’को तार चुँडिदा उनीहरुलाई ‘हाई भोल्टेज’को करेण्ट लागेको थियो। गम्भीर अवस्थाका उनीहरूको उपचार बिर्तामोडस्थित बीएण्डसी अस्पतालमा भइरहेको इलाका प्रहरी कार्यालय दमकका प्रहरीले जनाएको छ।

उता डडेल्धुराको परशुराम नगरपालिकामा करेण्ट लागेर मंगलबार बिहान एक जनाको मृत्यु भएको छ। कैलालीको हसुलिया गाउँपालिका घर भएका ३५ वर्षीय सुन्दर चौधरीको ज्यान गएको हो। नेपाली सेनाको क्याम्प निर्माण गर्ने क्रममा करेण्ट लागेर चौधरीको मृत्यु भएको इलाका प्रहरी कार्यालय जोगबुडाले जनाएको छ। चौधरीको शव अहिले पोष्टमार्टमको लागि जोगबुडा अस्पतालमा राखिएको छ।