Tuesday 16th January 2018

    कंगारु फेयर २०१८ हुँदै    नायक श्रीदेवले गाए आधुनिक गीत (हेर्नुस भिडियो)    कञ्चनपुरमा चक्कु प्रहार गरी हत्या    संगीत उद्योग संघको बन भोजकार्यक्रम सम्पन्न    कोरियामा ८१ जना नेपाली कामदारको मृत्यु, अनुसन्धानका लागि टोली जादैँ

बार्सिलोनामा भएको आक्रमणमा १३ जनाको मृत्यु,


२ भदौ, – स्पेनको बार्सिलोनामा भएको आक्रमणमा १३ जनाको ज्यान गएको छ भने केही घाइते भएका छन् । भ्यानको प्रयोग गरी धेरै भिड हुने क्षेत्रमा आक्रमण भएको हो ।

बार्सिलोनाको प्रसिद्व ठाउँ लास रामब्लास क्षेत्रमा विद्रोही समूह इस्लामिक स्टेट आइएसले आक्रमणको जिम्मा लिएको जनाएको छ । आइएसले आक्रमणको जिम्मा लिए पनि आक्रमणमा कसको संलग्नता थियो भन्ने प्रमाण बाहिर आएको छैन ।

आक्रमणको आशंकामा प्रहरीले दुई जनालाई पक्राउ गरेको छ । अर्का एक जना प्रहरीको आक्रमणमा मारिएका स्पेनका सञ्चार माध्यमलाई उद्धृत गर्दै बिबिसीले जनाएको छ । यस्तै घटनामा संलग्न रहेको भन्दै एक जनाको तस्बिर प्रहरीले सार्वजनिक गरेको छ । ती व्यक्तिले आक्रमणका लागि प्रयोग भएको भ्यान भाडामा दिएको प्रहरीले जनाएको छ । स्पेनका प्रहरीले सम्भावित अर्को आक्रमणलाई रोकेको जनाएको छ । क्यामब्रिल्समा हुन लागेको आक्रमण रोक्न चार जनालाई मारेको बिबिसीमा उल्लेख छ । क्यामब्रिल्स बन्दरगाहमा गोलिको आवाजहरु आएको थियो । प्रहरीले मानिसहरुलाई सडकमा ननिस्कन र सुरक्षित रहन आग्रह गरेको छ ।