काँग्रेसका नगर सभापतिको दुर्घटनामा मृत्यु

१ भदौ, झापा – नेपाली काँग्रेसका मेचीनगर नगर सभापति पवन खड्काको मोटरसाइकल दुर्घटनामा परी मृत्यु भएको छ ।

झापाको मेचीनगर नगरपालिका–५ निवासी सभापति खड्का तीन दिनअघि मोटरसाइकल दुर्घटनामा परी गम्भीर घाइते भएको जिल्ला ट्राफिक प्रहरी कार्यालय, झापाले जनाएको छ । मे ७ प १४६१ नम्बरको मोटरसाइकलमा सवार उनको गएराति उपचारकै क्रममा बिर्तामोडस्थित बिएण्डसी हस्पिटलमा मृत्यु भएको प्रहरीले जनाएको छ ।