Friday 16th April 2021

    इनरुवामा बहुभाषिक सांस्कृतिक कार्यक्रम हुने    'मिस टिन २०२१ प्रदेश १' को उपाधी साम्राज्ञी शर्माको हातमा    माथिल्लो तामाकोशीमा अस्वाभाविक ढिलाई भयो, अब सह्य हुँदैन कारबाही गरिन्छः प्रधानमन्त्री ओली    असारको अन्तिमसम्म छ लाख सङ्क्रमित पुग्ने प्रक्षेपण    समुन्नतद्धारा क्यान्सर सम्बन्धी सचेतनामुलक कार्यक्रम संचालन

कुहिएको चामलको भात खान कारागारका कैदीबन्दी बाध्य

Thursday, August 17, 2017 National Power


१ भदौ, कैलाली – कुहिएको चामलको भात खान बाध्य भएको जिल्ला कारागार कैलालीका कैदीबन्दीले बताएका छन् । नेपाल खाद्य संस्थान धनगढीबाट खरिद गरेर कैदीबन्दीका लागि लगिएको चामल कुहिएको पाइएको हो ।

संस्थानबाट कारागार लगिएको चामल कुहिएर कालो भई खानै नमिल्ने भएपनि आफूहरुलाई त्यही चामल वितरण भइरहेको कैदीबन्दीले बताएका छन् ।

उनीहरुले कुहिएको चामलको गुनासो पटक पटक गर्दा समेत कुनै सुनुवाई नभएको आरोप लगाएका छन् । क्षमताभन्दा चार गुणा बढी राखिएका जिल्ला कारागार कैलालीका कैदीबन्दीले आफूहरुका लागि कुहिएको चामल वितरण भइरहेको भन्दै कैदीबन्दीले बिरोध पनि गरेका हुन् ।

नेपाल खाद्य संस्थान धनगढीबाट ल्याएर अहिले खाँदै गरेको चामल बोरामै चिल्सा परेको, भिजेर डल्लो परेको र सडेर कालो भइसकेको एकजना कैदीबन्दीले बताए । संस्थानले सडेको चामल बिक्री गरिरहँदा समेत सम्बन्धित निकायले कुनै चासो नलिएर आफूहरुको स्वास्थ्यमा खेलवाड गरिरहेको आरोप लगाएका छन् ।