नारायणगढ मुग्लिन सडक पुनः अवरुद्ध

३० साउन, चितवन – जाम नखुल्दै बाटो बन्द भएपछि यात्रु मारमा त हुन्थे नै वर्षायामको पहिरोले अवरुद्ध नारायणगढ-मुग्लिन सडक फेरी उस्तै अवरुद्ध भएको छ । नारायणगढ मुग्लिन सडकखण्डको पाँचकिलोमा आइतबारराति पहिरो खसेपछि सडक अवरुद्ध बनेको छ ।

राति १० बजेबाट सो ठाउँमा पहिरो खसेको हो । रातको समयमा पहिरो पन्छाउन नसकेपछि अहिले बिहानबाट पहिरो पन्छाउन शुरु गरिएको जिल्ला प्रहरी कार्यालय चितवनका प्रहरी उपरीक्षक दीपक थापाले जानकारी दिए । दुई दिनदेखि सवारी जाममा रहेका साधन सडकबाहिर निस्कन नपाउँदै पुनः पहिरो खसेपछि यात्रुहरु अलपत्र परेका छन् ।