Thursday 23rd November 2017

    मिलापकर्मी गीतालाई पत्रकारिता सम्मान    नवु सत्यालको हिजो सम्म................. !    चुनावी प्रचारमा व्यस्त कांग्रेसका प्रधान    संघिय समाजवादीका नेता जीतवीरद्वारा मालेका लालकुमारलाई सहयोग गर्ने घोषणा    मुगाबेको राजिनामासँगै जिम्बावेमा राजनीतिक निकासको आशा

बाह्रौँ क्वीक्स ग्रिनल्याण्ड अन्तर विद्यालय हुदै


नेशनल पावर न्यूज – टोखा न.पा.—८, थापासीमा अवस्थित ग्रिनल्याण्ड स्कुलको आयोजनामा बाह्रौ अन्तर विद्यालय स्तरीय बास्केटबल प्रतियोगिता यही श्रावण २७ गतेदेखि भाद्र ३ गतेसम्म सम्पन्न हुने कुरा एक पत्रकार सम्मेलनमार्फत जानकारी गराएको छ । २०६२ सालदेखि शुरू भएको उक्त प्रतियोगिताको १२औँ संस्करणमा जुनियरतर्फ २४ विद्यालय र सिनियरतर्फ १६ विद्यालयको सहभागिता रहेको कुरा कार्यक्रम संयोजक तथा बास्केटबल प्रशिक्षक पूर्ण न्यौपानेले बताउनु भएको छ ।

नेपाल बास्केटबल संघका रेफ्री संयोजक निरन्जन सत्यालका अनुसार जुनियरतर्फ सहभागी २४ वटा विद्यालयलार्इ ८ समूहमा विभाजन गरी प्रत्येक समूहको विजेता र उपविजेता १६ टिम प्रिक्वाटर र ८ टिम क्वाटरफाइनल र ४ टिमले सेमिफाइनल हुदै विजेता, उपविजेता र सेमिफाइनलमा जाने छ भने पराजित टिमले तेस्रो स्थानको लागि भिडन्त हुने कुरा जानकारी गराउनु भएको थियो । सिनियर टिमका १६ विद्यालयबीच पनि चार समूहमा विभाजन गरी समूह विजेता र उपविजेता गरी ८ टिमका बीच क्वाटर फाइनल र ४ टिमका बीच सेमिफाइनल हुदै विजेता र उपविजेता तय गरिने छ । बास्केटबल संघको प्राविधिक सहयोग सञ्चालित उक्त प्रतियोगिता मिनि बास्केटबलको नियमानुसार जुनियरतर्फ ५ नं।को बल खेलाइने छ भने सिनियरका खेलहरू ८ मिनेटका चार क्वाटरका खेल खेलाइने कुरा जानकारी गराउनु भएको थियो ।

“खेल श्वास्थ्यका लागि र खेलाडी राष्ट्रका लागि” भन्ने मुल नाराका साथ आयोजना गरिएको उक्त प्रतियोगिताले नवप्रतिभाको पहिचान गराउने छ भन्दै श्वस्थ जीवनको लागि उमेर समूहमा खेलकुद अति आवश्य रहेको कुरा विद्यालयका सह—प्राचार्य विनोद घिमिरेज्यूले बताउनु भएको थियो ।

चौधरी ग्रुपको क्वीक्स चीजबल मुख्य प्रायोजक रहेको उक्त प्रतियोगिताको लागत २ लाख ५० हजार हुने कुरा विद्यालयका प्राचार्य तथा प्याब्सन उपत्यका प्रदेश प्रमुखले बताउनु भएको थियो ।

प्रथम, दास्रो र तृतीय स्थान ल्याउन सफल विद्यालयलार्इ शिल्ड,मेडल र प्रमाण पत्रले पुरस्कृत गरिने छ । उच्चस्कोर कर्ता, उत्कृष्ट खेलाडी र बेष्ट थ्री पोइन्टर गरी तीन विधामा पुरस्कृत गरिने छ । खेदकुदको माध्यमले विद्यालय बीच भाइचारको बृध्दि र खेलाडीलार्इ अवसर तथा राष्ट्रलार्इ खेलकुदमार्फत र्इमान्दार र अनुशाशित नागरिक उत्पादन गर्ने विश्वास विद्यालयका प्राचार्य थकिन कुमार गुरूङले बताउनु भएको छ । गत वर्ष जुनियर समूहमा ओडिसी स्कुल,बसुन्धारा र सिनियर समूहमा एचएचसिए स्कुल, बुढानिलकण्ठ विजेता रहेका थिए ।

 

-RAJAN THAPA