Saturday 8th February 2025

    जुनिम र सरिना फिचर्ड ‘ताण्डवम्’को पहिलो गीत ‘हिमानी’ रिलिज    जोशीको रिहाइका लागि राजदूतले गरे इजरायली राष्ट्रपतिसंग आग्रह    भाइरल बन्दै रमेश श्रेष्ठ ‘मेलोडी’ को नयाँ गीत ‘मोटर गाडी’!    “ओई माया ओई” सार्वजनिक    ‘चेम्बर एक्स्पोले नेपाली उत्पादन तथा सेवाको विश्वव्यापी प्रचार–प्रसारमा महत्वपूर्ण भूमिका खेलेको छ ‘ : उद्योग मन्त्री भण्डारी

बाढी गाउँ पस्दा सयौं घर डुबानमा

Saturday, August 12, 2017 National Power

२८ साउन, मोरङ – गएरातिदेखि परेको अबिरल वर्षाको कारण मोरङका विभिन्न खोलामा आएको बाढी गाउँ पस्दा सयौं घर डुबानमा परेका छन् । विराटनगरका धेरै प्रभावित ठाउँ मध्येको पोखरियामा सिँगिया खोला गाउँ पसेको छ । वर्षाको कारण अधिकांश क्षेत्रको जनजीवन प्रभावित मात्र भएको छैन धेरै ठाउँका विस्थापित भएका छन् । विराटनगरको कोशी राजमार्ग पश्चिमको क्षेत्र डुबानमा परेको छ । विराटनगरमा रहेको नोबेल मेडिकल कलेज पनि डुबानमा परेको छ । विराटनगर–१ पोखरीयाका ३५ घर विस्थापित भएका छन् । वर्षाले विराटनगर महानगरपालिका ४, ५, ६, ११ र १२ नम्बर वडामा अन्दाजी ६ सय घर डुबानमा परेको छ । पीडित परिवारलाई आफन्त तथा छिमेकीको घरमा सार्ने कार्य भइरहेको जिल्ला प्रहरी कार्यालय मोरङले जनाएको छ । त्यसैगरी मोरङको रतुवा खोला र बक्राहा खोलाको बाँध फुटेर रतुवामाई नगरपालिका–५ प्रहरी चौकी गोबिन्दपुरमा पानी पसेर डुबान भएको छ ।