Friday 16th April 2021

    इनरुवामा बहुभाषिक सांस्कृतिक कार्यक्रम हुने    'मिस टिन २०२१ प्रदेश १' को उपाधी साम्राज्ञी शर्माको हातमा    माथिल्लो तामाकोशीमा अस्वाभाविक ढिलाई भयो, अब सह्य हुँदैन कारबाही गरिन्छः प्रधानमन्त्री ओली    असारको अन्तिमसम्म छ लाख सङ्क्रमित पुग्ने प्रक्षेपण    समुन्नतद्धारा क्यान्सर सम्बन्धी सचेतनामुलक कार्यक्रम संचालन

सिद्दनाथ विज्ञान क्याम्पसका एक विद्यार्थीको घाँटी रेटेर हत्या

Saturday, August 12, 2017 National Power


२८ साउन, महेन्द्रनगर – महेन्द्रनगरको सिद्दनाथ विज्ञान क्याम्पसमा अध्ययनरत एक विद्यार्थीको होस्टेलभित्रै हत्या भएको छ । स्नातक तह चौथो वर्षमा पढने बझाङ्गको सैनामबसेला गाउँपालिका २३ वर्षका डम्बरबहादुर जाग्रीको शनिबार बिहान क्याम्पसको होस्टेलभित्र हत्या भएको हो ।

बिहान क्याम्पस बाहिरको गेटमा चुरोट खाएर होस्टेल फर्किएका उनको केही समयपछि हत्या भएको खबर आएको स्थानीय बासिन्दाले बताएका छन् । होस्टेलको तल्लो तलाको स्टोर कोठामा घाँटी काटिएको अवस्थामा उनको शव फेला परेको प्रहरीले जनाएको छ । प्रहरीका अनुसार घटनास्थलमा चक्कु फेला परेको छ ।

बझाङ्ग घर भएका जाग्री गएको ४ वर्षदेखि सिद्दनाथ विज्ञान क्याम्पसको होस्टलमा बस्दै आएका थिए । उनी होस्टेलभित्र खानाको मेस समेत सञ्चालन गर्दै आएका थिए । जाग्रीको होस्टेलभित्रैका कसैले हत्या गरेको हुनसक्ने प्रहरीले अनुमान गरेकोे छ । सिद्दनाथ विज्ञान क्याम्पसमा अखिल क्रान्तिकारी विद्यार्थी संगठनका पूर्व अध्यक्ष जाग्रीलाई चारदिन अघि बसेको बैठकबाट अखिल क्रान्तिकारी विद्यार्थी संगठनको संयोजक जिम्मेवारी पनि दिइएको थियो ।