अबिरल वर्षाका साथै खोलामा आएको बाढीले पुलमा क्षति पुर्‍याएपछि स्थानियबासी समस्यामा

२६ साउन, डडेल्धुरा – डडेल्धुराको परशुराम नगरपालिकाको वडा नम्बर ८ र ९ का बासिन्दालाई जोड्ने पुलमा खहरेखोलामा आएको बाढीले क्षति पुर्‍याएपछि आवतजावतमा समस्या भएको छ ।

गएको साउन १९ गतेको अबिरल वर्षापछि आएको बाढीले पुलका तारजाली बगाएपछि वडा नम्बर ८ र ९ का बेबरी, जमरानीका बासिन्दा समस्यामा परेको स्थानीय बासिन्दाले बताए । पुलमा क्षति पुगेपछि बेबरी र जमरानीबाट विद्यालय जाने विद्यार्थीलाई आवतजावतमा समस्या भइरहेको छ । जमरानी, बेबरी नजिकै रहेको पुलका तारजाली बगाएपछि डरैडरैका साथ यात्रा गर्नु परेको स्थानीय बासिन्दाले बताएका छन् ।