Friday 4th December 2020

    “ए साईली” भन्दै आए किरण गौतम    ८५ वर्षमा पनि उस्तै उत्साह, कोरोनाकालमा नातीसँग सिनेमा खेल्दै धर्मेन्द्र    विश्वभर कोरोना संक्रमणबाट १५ लाखको मृत्यु    नेपाल फिल्म सोसाईटीको अमेरिका शाखा गठन    अजय देवगनको १६ वर्ष पुरानो फिल्म रिलिज हुँदै

सम्पादक भुषाल र वरिष्ठ कलाकार संग्रौलालाई अभिनन्दित

Wednesday, July 26, 2017 National Power


बिर्तामोड – झापाको बिर्तामोडमा पत्रकार कृष्णा भुषाल र कलाकार लय संग्रौलालाई अभिनन्दन गरिएको छ । बिर्तामोडका युवा उद्योगपति प्रदीप मित्तलको निवासमा आयोजित कार्यक्रममा मिलाप मासिकका सम्पादक भुषाल र वरिष्ठ कलाकार संग्रौलालाई अभिनन्दन गरिएको हो । दुवैलाई उद्योगपति मित्तलले अभिनन्दन गरेका थिए । कार्यक्रममा प्रदीपको जीवन यात्रा समेटिएको ‘प्रदीप मित्तल एक निरन्तर यात्रा’ नामक पुस्तक तथा श्रव्य दृश्य सामग्री सार्वजनिक गरिएको थियो । प्रदीपका पिता द्वारिकाप्रसादले पुस्तक तथा बिर्तामोडका नवनिर्वाचित मेयर ध्रुवकुमार शिवाकोटीले श्रव्यदृश्य सामग्री सार्वजनिक गरेका थिए ।

उद्योगपति प्रदिपले स्वागत गरेको कार्यक्रममा प्रमुख अतिथि समेत रहेका मेयर शिवाकोटी, मेचीका प्रहरी प्रमुख एसएसपी पिताम्बर अधिकारी, पुस्तकका सम्पादक कलाकार संग्रौला, मिलाप मासिकका सम्पादक÷प्रकाशक कृष्ण भुसाल लगायतले मन्तव्य राखेका थिए ।

कार्यक्रमका वक्ताले युवा उमेरमै सामान्य व्यवसायीदेखि ठूलो उद्योगपतिको रुपमा स्थापित प्रदिपको जीवन सङ्घर्ष र सफलताका रहस्य समेटिएको पुस्तक अरुका लागि प्रेरक भएको बताए । कार्यक्रममा बिर्तामोडकी उपमेयर पवित्रा महतरा प्रसाईं लगायतको आतिथ्य थियो ।

कभरसहित १८० पृष्ठको पुस्तकमा उद्योगपति प्रदिपको जीवन यात्रादेखि उनको उद्योग व्यवसायका क्षेत्र समेटिएको छ । त्यस्तै उनलाई नजिकबाट चिन्ने सहकर्मीहरुको लेख समेत पुस्तकमा समेटिएको छ भने श्रब्य दृष्यमा पुस्तकमा भएका अंशहरुलाई प्रस्तुत गरिएको छ । कार्यक्रममा मित्तलले पत्रकार सहारा उपचार कोषका झापाका लागि १ लाख ११ हजार १ सय ११ रुपैयाँ प्रदान गरेका थिए ।

पत्रकार महासंघ झापाका कार्यवाहक अध्यक्ष एवम् पत्रकार उपचार कोषका संयोजक एकराज गिरीलाई उद्योगपति प्रदीप तथा उनका पिता द्वारिकाप्रसाद मित्तलले उक्त रकम हस्तान्तरण गरेका थिए ।