प्रतिभावान गायिका ईन्दिरा रजक तिवारीले यस वर्षको तीजलाई लक्षित गरी आफ्नो सांगीतिक कोशेली लिएर वजारमा आएकी छिन् । चर्चित नेपाली सुगम संगीतका गीतकार गोविन्द प्रसाद उपाध्यायको शव्द रचना र नेपाली चलचित्रकी प्रथम महिला संगीतकार रेखा पौडेलको संगीत रहेको गीत रातो सारी भुईमा लरर मेरो पछेउरी उड्यो सरर लाई यति वेला दर्शक श्रोताहरुले मन पराई रहेको निर्माण पक्षले जनाएका छन् ।
मिडिया एण्ड ईन्टरटेनमेन्टको प्रस्तुती रहेको उक्त गीतलाई हाईलाईट्स नेपालले वजार प्रवद्र्धन गरिरहेको छ ।
नरेश वीर सिंह र दिपकमान सिंहले निर्देशन गरेको म्युजिक भिडियोमा चर्चित मोडेल रञ्जिता गुरुङले छमछम् नाचेकी छिन् । दृश्य सम्पादन सुप्रिम पराजुलीले गरेको भिडियोमा बासु न्यौपानेको छायांनकन रहेको छ ।