वरिष्ठ कलाकार वाङ्देलको निधन

११ साउन, – वरिष्ठ कलाकार डिना वाङ्देलको संयुक्त राज्य अमेरिकाको भर्जिनियामा मंगलबार निधन भएको छ । मेनिन्जाइटिस कारण ५५ वर्षको उमेरमा वाङ्देलको निधन भएको नेपालस्थित आफन्त प्रज्ज्वल शाक्यले जानकारी दिए ।

भर्जेनिया कमन वेल्थ युनिभर्सिटीमा सह–प्राध्यापक वाङ्देल कलाको इतिहास विषयमा करिब दुई दशकदेखि अध्यापन गराउँदै आएकी थिइन् । आधुनिक कलाका प्रणेता लैनसिंह वाङ्देलका छोरी वाङ्देल सोही युनिभर्सिटीको दोहास्थित कलेजमा प्रमुख थिइन् ।

नेवारी परम्परागत कलाका साथै समकालीन कलाको विकासमा ठूलो योगदान पुर्याएकी वाङ्देलले अन्तर्राष्ट्रिय तहमा नेपालको कला प्रवद्र्धन गर्दै आएकी थिइन् । वाङ्देलको श्रीमान् र दुई छोरा अमेरिकामा नै बस्दै आएका छन् ।