Sunday 28th February 2021

    संसद पुनर्स्थापनापछि प्रधानमन्त्रीले बोलाए मन्त्रिपरिषद् बैठक    वामदेव विहानै खुमलटारस्थित प्रचण्ड निवास पुगे    महेश बस्नेतको दाबी : प्रधानमन्त्रीलाई केही धक्का लागेको छैन, प्रचण्ड-माधवले खाएको लड्डु अब तितो हुन्छ    संसद विघटन गर्ने प्रधानमन्त्रीको विशेषाधिकार हटाएको कि लुकाएको ?    प्रचण्ड भन्छन्- राष्ट्रिय सहमतिका साथ अघि बढ्छौं, ओलीसँग पनि सम्वाद हुन्छ

जिल्लाका धेरैजसो ग्रामीण सडक अवरुद्ध

Sunday, July 23, 2017 National Power


८ साउन, डडेल्धुरा – जिल्लामा वर्षाका कारण धेरैजसो ग्रामीण सडक अवरुद्ध भएका छन् । सडक बिग्रिएपछि डडेल्धुराका ३७ ग्रामीण सडक मध्ये ३२ सडक अवरुद्ध भएका हुन् । जिल्लाका बाँकी सडकमा समेत जोखिम पूर्ण रुपमा यातायात संचालन भइरहेका छन् ।

जिल्लाका बगरकोट–रुपाल, डुंग्री–देवलदिव्यपुर, ढिमौला–भद्रपुर, ढिमौला–चिपुर, रडुवा–कोटेली, विप्याकटाल–वेलापुर, अनारखोली–देवलदिव्यपुर, रडुवा–वडम, बुडर–जोगबुडा लगायतका रुट गरी ३२ ग्रामीण सडक अवरुद्ध भएका छन् । सडकमा ठूल–ठूला खाल्डा परेका छन् भने धेरैजसो सडक पहिरोका कारण अवरुद्ध भएका छन् । जोखिम पूर्ण रुपमा यातायात संचालन गरिरहेको चालकको भनाई रहेको छ ।

यातायातका सवारी साधन संचालनमा आउन नसक्दा यात्रुहरु पैदल हिँड्न बाध्य भएका छन् । ग्रामीण सडक अवरुद्ध हुँदा गाउँमा उत्पादन गरिएको तरकारी बजारसम्म र दैनिक उपभोग्य सामग्री गाउँमा ल्याउनमा समस्या भएको स्थानीय बासिन्दाहरु बताउँछन् । ग्रामीण क्षेत्रमा सहज रुपमा दैनिक उपभोग्य वस्तुको आपूर्ति हुन नसक्दा दैनिक उपभोग्य वस्तुको मुल्य वृद्धि हुन थालेको स्थानीयको भनाई छ ।