डोटीमा पहिरो जाँदा एकको मृत्यु, २ गम्भीर घाइते

६ साउन, डोटी – डोटी जिल्लामा अविरल वर्षाका कारण पहिरो जाँदा एकजनाको मृत्यु भएको छ भने पहिरोमा परेर दुईजना गम्भीर घाइते भएका छन् ।

शुक्रबार बिहान २ बजे पहिरो खस्दा सायल गाउँपालिका १ बिनेवाडाका हरिमल भूलको घर पहिरोमा परेको हो । पहिरोमा परेर हरिमलकी ३ वर्षीया छोरी मनीषा भूलको मृत्यु भएको छ । घरमुली हरिमल र उनकी श्रीमती जमुना भूलको अबस्था गम्भीर रहेको स्थानीय प्रेम नेपालीले जानकारी दिए । उनीहरु घरमा सुतेका बेला पहिरो खस्दा उनकी तीन वर्षीया छोरीकीको मृत्यु भएको हो । घरमा रहेका १ छोरा र १ छोरी भने सकुशल रहेको प्रेम नेपालीले जानकारी दिए। स्थानीय छपाली स्वास्थ्य चौकीमा प्राथमिक उपचारपछि घाइतेहरूलाई धनगढी अस्पतालमा पठाइएको छ ।