Friday 16th April 2021

    इनरुवामा बहुभाषिक सांस्कृतिक कार्यक्रम हुने    'मिस टिन २०२१ प्रदेश १' को उपाधी साम्राज्ञी शर्माको हातमा    माथिल्लो तामाकोशीमा अस्वाभाविक ढिलाई भयो, अब सह्य हुँदैन कारबाही गरिन्छः प्रधानमन्त्री ओली    असारको अन्तिमसम्म छ लाख सङ्क्रमित पुग्ने प्रक्षेपण    समुन्नतद्धारा क्यान्सर सम्बन्धी सचेतनामुलक कार्यक्रम संचालन

हेलिकोप्टर चार्टर गरेर अस्पताल पुर्‍याएकी सुत्केरीको मृत्यु

Monday, July 10, 2017 National Power


२६ असार, कालिकोट – जिल्ला अस्पताल कालिकोटबाट आइतबार हेलिकप्टर चार्टर गरेर प्रसुतीका लागि भेरी अञ्चल अस्पताल नेपालगञ्ज लगिएकी तिला गुफा नगरपालिका ११ कि हरिशोभा सुनारको मृत्यु भएको छ। अत्यधिक रक्तश्राव भएपछि हेलिकोप्टरमार्फत् उनलाई थप उपचारका लागि भेरी अस्पताल नेपालगञ्ज लगिएको थियो। सुनारले आइतबार बिहान छोरी जन्माएपछि अत्यधिक रक्तश्राव भएपछि स्वास्थ्यकर्मी र स्थानीयले ५ प्वाइन्ट रगत दान गरेका डा.प्रकाश जिसीले बताए। ५ प्वाइन्ट रगत चढाए पनि रक्तश्राव हुन नरोकिएपछि रेफर गर्नुपरेको जिसीले बताए। रक्तश्रावले बिरामी भएकी सुनारको अहिलेको छोरीसमेत गरी ९ जना छोराछोरी जन्माएको पति दाने विकले सुनाए। यो भन्दा पहिला ५ वटा छोरी जिवित भए पनि ४ वटा जन्मिँदै मरिसकेका थिए। बिरामी हरिशोभा सुनारलाई अक्सिजन चढाएर जिल्ला अस्पतालदेखि एम्बुलेन्समा पञ्चदेवल माविसम्म हेलिकोप्टरमा राखेर नेपालगञ्ज लगिएको थियो। उनलाई नेपालगञ्ज पुर्‍याए लगत्तै भेरी अञ्चल अस्पतालको भेन्टिलेटरमा राखेर उपचार सुरु गरेको थियो।