Thursday 28th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

पाल्पाका दुई विद्यालय नमूना घोषित

Monday, July 10, 2017 National Power

२६ असार, पाल्पा – पाल्पाका दुई सामुदायिक विद्यालयलाई शिक्षा मन्त्रालयले नमूना विद्यालयको रुपमा घोषणा गरेको छ ।

जिल्ला शिक्षा कार्यालयको प्रारम्भिक मुल्याङ्कन तथा शिक्षा विभागको स्थलगत अवलोकनसहितको मुल्याङकनपछि रामतल्सी माध्यमिक विद्यालय रामपुर र दमकडा माध्यामिक विद्यालय मदनपोखरा नमुना विद्यालय घोषित भएका हुन् । शिक्षा मन्त्रालयको आइतबार बसेको सचिव स्तरीय बैठकको निर्णयानुसार जिल्लाको निर्वाचन क्षेत्र नं.१ बाट रामतुल्सी माध्यामिक विद्यालय र क्षेत्र नं.२ बाट दमकडा माध्यामिक विद्यालयलाई नमुना विद्यालयको रुपमा मुल्याङ्कन गरिएको मन्त्रालयले जनाएको छ ।

छनौट भएका विद्यालयको नाम शिक्षा विभागकले आइतबार बेलुका नै सार्वजनिक गरी सम्बन्धित जिल्ला शिक्षा कार्यालयलाई नमूना विद्यालयका रुपमा छनौट भएका विद्यालयलाई आर्थिक वर्ष २०७३/०७४ को विद्यालय क्षेत्र विकास कार्यक्रममा व्यवस्था भए अनुसारको निकास गरिदिन अनुरोध समेत गरेको छ । देशैभरबाट यसपटक १६७ वटा सामुदायिक विद्यालय नमूना विद्यालयका रुपमा छनौट भएको शिक्षा विभागले जनाएको छ ।