Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

विवाहको जीप बाढीले बगाउदा ४ जना बेपत्ता

Monday, July 10, 2017 National Power

२६ असार, पाल्पा – पाल्पामा विवाहको भोजमा गएर फर्किदै गरेको जीप बाढीले बगाउदा ४ जना बेपत्ता भएका छन । तानेसेन नगरपालिका–९ र मातगढी गाउँपालिका–३ अम्लियानको सीमामा पर्ने तिनाउ नदीमा आएको बाढीले लु १ ज १२ १७ नम्बरको जीप बगाउँदा त्यसमा रहेका चारजना बेपत्ता भएका छन् । जीपका चालक शक्ति श्रेष्ठलाई भने आफन्तले उद्धार गरेका छन् ।

आइतबार राति साढे २ बजेतिर जीप बाढीले बगाएको हो । नदीमा हराइरहेका चार मध्ये दुईजनाको मात्रै नाम खुलेको छ । बेपत्ता मध्ये तिलबहादुर गाहा र उनकी श्रीमती मायाको नाम खुलेको हो । एक पुरुष र एक महिलाको भने नाम खुलेको छैन । बाढीमा डुबेकाको उद्धारमा ढिलाई भएको पीडित परिवारले गुनासो गरेका छन् ।

चलिरहेको गाडी खोलामा पुग्दा एक्कासी बन्द भएपछि उनीहरुले सदरमुकाम तानसेनमा रहेका आफन्त र प्रहरीलाई खबर गरेका थिए । सदरमुकाम तानसेनबाट चालक श्रेष्ठका आफन्त पुगेर डोरीको सहायताले श्रेष्ठलाई उद्धार गर्न सफल भएपनि अरु चारजना गाडीसहित बेपत्ता भएका हुन् ।