Thursday 4th March 2021

    नमोबुद्ध गुठि हस्तान्तरण    'फेशन फेयर अवार्ड— २०२०' भव्यरुपमा सम्पन्न    ओम समाज डेन्टल हस्पिटलको सेबा विस्तार    ‘ममाथि शारीरिक हमला नै भयो र ज्यान तलमाथि भयो भने पनि अनौठो नमान्नुहोला’ : प्रधानमन्त्री ओली    एमाले ब्युँतिए ओली नै प्रधानमन्त्री

डि–सिने अवार्डमा बिपीन, प्रियंका र छक्का पन्जा ठहरिए सर्वोत्कृष्ट

Sunday, July 9, 2017 National Power



नवौं डि सिने अवार्डमा छक्कापन्जाले सर्वाधिक एघार वटा अवार्ड जितेको छ । हेटौडाको ओम्याक्स हलमा असार २२ गते बिहीबार राती सम्पन्न अवार्डमा छक्का पन्जाले सर्वोत्कृष्ट फिल्म, नवनिर्देशक,अभिनेत्री, खलपात्र,हास्य अभिनेता,सम्वाद, नृत्यनिर्देशक,छायाकार, गायक,संगीतकार र सम्पादन बिधामा ट्रफी प्राप्त गरेको हो ।

छायाछबि क्रिएसनले आयोजना गरेका अवार्डमा ०७३ सालमा प्रदर्शनमा आएका मध्ये ५५ फिल्म सहभागी थिए । संगीतकार शम्भुजीत बास्कोटालाई छायांछबि लाइफ टाइम लिजेन्ड्री अवार्ड प्रदान गरिएको समारोहमा चलचित्र पत्रकार लक्ष्मण सुवेदीलाई नगद ९,९९९ राशीको छायाछबि चलचित्र पत्रकारितार पुरस्कार–०७४ प्रदान गरिएको थियो । त्यसैगरी, अभिनेता सरोज खनाल र अभिनेत्री रुपा राना छायाछबि चलचित्रकर्मी रजत सम्मान प्रदान गरियो । सम्मानीत संगीतकार बास्कोटाले आफूले चार दशकदेखि गीतसंगीत क्षेत्रमा गरिरहेको योगदानको कदर गरिएकोमा खुशी ब्यक्त गरे । कार्यक्रममा उनले आफ्ना केही हिट गीत सुनाएका थिए ।

अवार्ड समारोहका लागि काठमाडौबाट झण्डै साढे एकसय चलचित्रकर्मी तथा संचारकर्मी हेटौडा पुगेका थिए । जात्राबाट सर्वोत्कृष्ट अभिनेताको अवार्ड जितेका बिपीन कार्की र छक्का पन्जाबाट सर्वोत्कृष्ट अभिनेत्रीको अवार्ड बिजेता प्रियंका कार्की, दुवै जना कार्यक्रममा उपस्थित थिइनन् । प्रियंका अमेरिकामा रहेकाले समारोहमा उपस्थित हुन नसकेकी हुन् ।
चलचित्रकर्मी मोहन निरौला, बिजयरत्न तुलाधर, संगीतकार सन्तोष श्रेष्ठ,पत्रकार डब्बु क्षेत्री र छायाकार सवनम मुखीया निर्णायक रहेको अवार्डमा मिलन चाम्सलाई ‘इन्करेजमेन्ट अवार्ड’ दिइयो । त्यसैगरी निर्णायकले जात्रा फिल्मबाट प्रदिप भट्टराईलाई निर्देशक, झुम्कीबाट मनोज आरसीलाई अभिनेता र पुरानो डुङ्गाबाट मेनुका प्रधानलाई अभिनेत्रीको जुरी अवार्ड प्रदान गरे । क्रिटिक्स अवार्ड भने तीन घुम्ती फिल्मले प्राप्त गर्यो ।

नेपाली चलचित्रको बिकास र बिस्तारमा अवार्डले ठूलो सहायत गर्ने भएकाले आफूले डि सिने अवार्ड मोफसलतिर आयोजना गर्न थालेको आयोजक संस्थाका अध्यक्ष शान्तिप्रियले जानकारी दिए । उनले आठौ डि सिने अवार्ड पोखरामा गरिएको र यसपाली नवौं संस्करण हेटौडामा गरिएको बताए ।

कार्यक्रममा हास्य कलाकार जितु नेपालले आफ्नो हास्य ब्याङ्ग्य प्रस्तुतिमार्फत उपस्थित दर्शकलाई मनोरन्जित तुल्याएका थिए । त्यसैगरी, सुशान्त कार्की, निर्मल सेन्चुरी, सारिका घिमीरे, जेबिका कार्की, भिमफेदी गाइजले नृत्य प्रस्तुत गरेर मौहाल तताएका थिए भने साहिमा श्रेष्ठ र कृष्ण काफ्लले आफ्ना चर्चित गीत गाएका थिए । बिजेतालाई कलाकर्मी, हेटौडाका बुद्धिजिबि तथा उच्च पदस्थ अधिकारीले अवार्ड प्रदान गरेका थिए ।

अवार्ड बिजेता
एनिमेशन – मधुकर बलामी द फेमश
ध्वनि मिश्रण–मनोजराज भण्डारी – जात्रा
पाश्र्व संगीत–शैलेश श्रेष्ठ – गाजलु
केमियो –निश्चल बस्नेत – लप्पन छप्पन
द्वन्द्व निर्देशक–हिमाल केसी – निर्भय
बालकलाकार–साइब्रत आचार्य – छाया
हास्यकलाकार– केदार घिमिरे – छक्का पञ्जा
खलपात्र– दीपकराज गिरी – छक्का पञ्जा
उत्कृष्ट गीतकार– आकाश अधिकारी – म पागल ९के म तिम्रो होईन र०
संगीतकार– दीपक शर्मा – देखन चम्पा ९छक्का पञ्जा०
गायिका– मिना निरौला – ठमेल बजार – लुट २
गायक– कृष्ण काफ्ले – देखन चम्पा – छक्का पञ्जा
नृत्य निर्देशक– कविराज गहतराज – पूर्ब पश्चिम रेल ९छक्का पञ्जा०
कथा–रामबाबु गुरुङ – पुरानो डुंगा
पटकथा– हेमराज बिसी – गाजलु
संवाद– दीपकराज गिरी – छक्का पञ्जा
नवनायक– आर्यन अधिकारी – के म तिम्रो हैन र
नवनायिका–सृृष्टी श्रेष्ठ – गाजलु
नवनिर्देशक–दीपाश्री निरौला – छक्का पञ्जा
चरित्र अभिनेता– शिशिर राणा – बीर बिक्रम
चरित्र अभिनेत्री–गौरी मल्ल – के म तिम्रो हैन र
सहअभिनेता–सुशान्त कार्की – तीन घुम्ती
सहअभिनेत्री– सुस्मिता केसी – म त तिम्रै हु
सम्पादक–बिपिन मल्ल – छक्का पञ्जा
छायांकार – पुरुषोत्तम प्रधान – छक्का पञ्जा
अभिनेता–विपिन कार्की – जात्रा
अभिनेत्री– प्रियंका कार्की – छक्का पञ्जा
निर्देशक– हेमराज बिसी – गाजलु
फिल्म– छक्का पञ्जा
स्क्रिटिक्स अवार्ड– तीन घुम्ती
जुरी अवार्ड– निर्देशक प्रदिप भट्टराई – जात्राअभिनेता मनोज आरसी -झुम्की
मेनुका प्रधान –पुरानो डुङ्गा
चलचित्र पत्रकारिता पुरस्कार –लक्ष्मण सुवेदी
लाइफटाइम लेजेन्ड्री अवार्ड– शम्भुजीत बास्कोटापब्लिक
च्वाइस अवार्ड– कालीप्रसाद बास्कोटा -लुट–२ ठमेल बजार
चलचित्रकर्मी रजत सम्मान– सरोज खनाल र रुपा राना