Saturday 8th February 2025

    जुनिम र सरिना फिचर्ड ‘ताण्डवम्’को पहिलो गीत ‘हिमानी’ रिलिज    जोशीको रिहाइका लागि राजदूतले गरे इजरायली राष्ट्रपतिसंग आग्रह    भाइरल बन्दै रमेश श्रेष्ठ ‘मेलोडी’ को नयाँ गीत ‘मोटर गाडी’!    “ओई माया ओई” सार्वजनिक    ‘चेम्बर एक्स्पोले नेपाली उत्पादन तथा सेवाको विश्वव्यापी प्रचार–प्रसारमा महत्वपूर्ण भूमिका खेलेको छ ‘ : उद्योग मन्त्री भण्डारी

चार दिनदेखि स्थागित मतगणना आजबाट सुरु हुने

Wednesday, July 5, 2017 National Power

२१ असार, कञ्चनपुर – चारदिनदेखि स्थागित भएको पुनर्वासको मत गणना बुधबारबाट सुरु हुने भएको छ । सबै वडाको मत पुनः गणना गर्नुपर्ने दलहरुको मागलाई निवार्चन आयोगले स्वीकृति दिएपछि सर्वदलीय बैठकले स्थगित मत गणना बुधबारबाट सुरु गर्ने निर्णय गरेको हो ।

सबै वडाको मत पुनः गणना गर्नुपर्ने दलहरुको मागअनुसार निर्वाचन आयोग तयार भएपछि स्थागित मत गणना बुधबार दिउँसोबाट सुरु हुने सर्वदलीय बैठकमा सहभागी जिल्ला प्रहरी कार्यालय कञ्चनपुरका प्रहरी प्रवक्ता भीम बहादुर दाहालले जानकारी दिए । उनले आयोगको पत्र आउन केहि समय लाग्ने भएकाले दिउँसो मतगणना सुरु गरिने बताए।

यसअघि, निर्वाचन आयोगले विवादित १ र ५ नम्बर वडामा पुनः मतगणना गर्ने र घोषणा गरिएका बाहेक अन्य वडामा मतगणना जारी राख्ने निर्णय गरेको थियो । तर, आयोगको निर्णयलाई दलहरुले अस्वीकार गर्दै सर्वदलीय बैठक बहिस्कार गरेका थिए । मतगणना गर्दा कर्मचारीले अनियमितता गरेको भन्दै दलहरुले सबै वडाको मत पुनः गणना गर्नुपर्ने, मतगणनामा खटाईका कर्मचारी परिवर्तन गर्नुपर्ने र मत गणना स्थलमा सिसी टिभीको व्यवस्था गरिनुपर्ने माग समेत राखेका थिए ।