Thursday 25th February 2021

    वामदेव विहानै खुमलटारस्थित प्रचण्ड निवास पुगे    महेश बस्नेतको दाबी : प्रधानमन्त्रीलाई केही धक्का लागेको छैन, प्रचण्ड-माधवले खाएको लड्डु अब तितो हुन्छ    संसद विघटन गर्ने प्रधानमन्त्रीको विशेषाधिकार हटाएको कि लुकाएको ?    प्रचण्ड भन्छन्- राष्ट्रिय सहमतिका साथ अघि बढ्छौं, ओलीसँग पनि सम्वाद हुन्छ    सर्वोच्च अदालतको फैसलापछि सेनाको प्रतिक्रियाः सूक्ष्म आँकलनमा छौँ

बैतडीमा जिप दुर्घटना, ७ घाइते

Wednesday, July 5, 2017 National Power



२१ असार, बैतडी – बैतडीको पर्साखोलामा जिप दुर्घटना हुँदा ७ जना घाइते भएका छन्। देहिमाण्डौबाट गिरेगाडाका लागि हिँडेको से १ ज ५६७ नम्वरको जिप मंगलबार राति दशरथचन्द नगरपालिका ९ पार्साखोला भन्ने ठाउँमा दुर्घटनामा परेको प्रहरीले जनाएको छ। पानी परेकाले कच्ची सडक चिप्लो भएकाले चिप्लीएर जिप दुर्घटनामा परेको प्रहरीले बताएको छ। हिलाम्मे सडकमा अन्य सवारी पनि फसेकाले घाइतेमध्ये ३ जनालाई मात्रै राति नै जिल्ला अस्पताल ल्याउन सकिएको र बाँकी चार जनालाई बुधबार बिहान मात्रै अस्पताल पुर्‍याउन सकिएको प्रहरीले बताएको छ। हिलोमा फसेको सवारीलाई ट्याक्टरले तानेर पक्की सडकसम्म पुर्‍याइएको थियो। घाइते हुनेहरुमा बैतडी पञ्चेश्वर ५ का २१ वर्षीय प्रकाश भण्डारी, ३६ बर्षीया कलावती चन्द, १५ वर्षीय कमलेश महत, पञ्चेश्वर ६ का ८३ वर्षीय श्रीकृष्ण भण्डारी, १६ वर्षीय नरेश भट्ट, मेलौली ५ का ६५ वर्षीया भागरथी चन्द, ३५ वर्षीय शेर चन्द रहेका जिल्ला प्रहरी कार्यालय बैतडीले जनाएको छ ।