प्रधानमन्त्रीको सुरक्षाका लागि गएको जिप दुर्घटना

१४ असार, धनगढी – प्रधानमन्त्री शेरबहादुर देउवाको सुरक्षाका लागि खटिएको प्रहरी टोली सवार जिप धनगढी डडेलधुरा भीमदत्त राजमार्ग अन्तर्गत पर्ने कैलालीको फल्टुडेमा बुधबार दुर्घटनामा परेको छ ।

से १ ज १५०३ नं को सो जिप सडकमै पल्टिँदा नौ प्रहरी घाइते भएकामा दुई जनाको अवस्था केही गम्भीर रहेको जिल्ला प्रहरी कार्यालयका प्रहरी प्रवक्ता वीरबहादुर बुढा मगरले बताए । प्रधानमन्त्री देउवा आफ्नो गृह जिल्ला डडेल्धुरामा मतदान गरी धनगढीतर्फ आउन लागेका थिए ।