एसिड छ्यापेर महिलाको हत्या

१२ असार, महोत्तरी – महोत्तरीमा आइतबार राति एसिड छ्यापेर एक महिलाको हत्या भएको छ । गौशाला नगरपालिका–१ रामनगरकी ६५ वर्षकी मंसरिया देवी महतोको एसिड छ्यापेर हत्या भएको हो ।

घरमा एक्लै बस्दै आएकी मंसरियादेवी आइतबार राति ९ बजेसम्म छिमेकसँग कुराकानी गरेर सुत्न गएकी थिइन्। तर सोमबार बिहान अबेरसम्म चहलपहल नभएपछि छिमेकले हेर्न जाँदा अनुहारमा एसिड छ्यापिएर मृत अवस्थामा ओछ्यानमै मंसरियादेवी फेला परेकी हुन ।

त्यसलगतै स्थानीय बासिन्दाले प्रहरी र घरपरिवारलाई जानकारी दिएका छन् । एसिडले उनको अनुहार जलेको छ । घटनाको विषयमा अनुसन्धान भइरहेको ईलाका प्रहरी कार्यालय गौशालाका प्रहरीले जानकारी दिए ।