वडा सदस्यमा उम्मेदवारी दर्ता गराएका उम्मेदवारको हृदयघातका कारण मृत्यु

५ असार, बैतडी – स्थानीय तहको चुनावका लागि बैतडी डिलाशैनी गाउँपालिका वडा नम्बर ७ मा राष्ट्रिय प्रजातन्त्र पार्टीबाट वडा सदस्यमा उम्मेदवारी दर्ता गराएका ७० वर्षका गोविन्द कार्कीको निधन भएको छ ।

उनले निर्वाचन अधिकृतको कार्यालय डिलाशैनीमा आइतबार दिउँसो ३ बजे तिर उम्मेदवारी दर्ता गराएका थिए ।दिउँसो उम्मेदवारी दर्ता गरेका कार्कीको आइतबार राति हृदयघात भएर ज्यान गएको जिल्ला प्रहरी कार्यालयले जनाएको छ ।