१ असार, डोल्पा – डोल्पा जिल्लामा भाइरल ज्वरोको प्रकोपका कारणले तीनजनाको ज्यान गएको छ। तल्लो डोल्पाको मुड्केचुला गाउँपालिकाको सुर र नर्कु गाउँमा फैलिएको भाइरल ज्वरोले तीनजनाको ज्यान गएको हो भने त्यस्तै अरु धेरैमा टाउको दुख्ने, ज्वरो आउने, रुघाखोकी लाग्नेलगायतका समस्या देखिएको छ ।
भाइरल ज्वरोकै कारण मुड्केचुला–६ सुरकी ७ वर्षीया पूजा शाही, ६० वर्षीय लालबहादुर बुढा र ६९ वर्षीया लक्ष्मी बुढाको ज्यान गएको हो ।
तल्लो डोल्पाको विभिन्न गाउँमा महामारीको रुपमा फैलिएको भाइरल ज्वरो नियन्त्रणका लागि जिल्ला स्वास्थ्य कार्यालयबाट स्वास्थ्यकर्मीसहित औषधि पठाइसकेको र वितरण सुरु भइकेको जिल्ला स्वास्थ्य कार्यालय डोल्पाका प्रमुख डा. श्रीकान्त अग्रवालले जानकारी दिए ।