दैलेख दुर्घटनामा मृत्यु भएका ११ जनाको सनाखत

१ असार, दैलेख – दैलेखको आठवीस नगरपालिका–४ खिड्कीजिउलाको नैनेलस्थानमा बुधबार बस दुर्घटना हुँदा ज्यान गुमाएका ११ जनाको सनाखत भएको छ । कालिकोटबाट महेन्द्रनगरका लागि छुटेको ना ४ ख २९९८ नं.को बस दुर्घटना भएको थियो ।
दुर्घटनामा परि ज्यान गुमाउनेहरुमा सिंहा नेपाली – विनायक नगरपालिका अछाम, रुपा नेपाली – विनायक नगरपालिका अछाम,धिरेन्द्र विसी – भैरवस्थान, अछाम ,युवराज शाही – राजकोट नगरपालिका–६, कालिकोट,सुनिल शाही – शान्नित्रिवेणी गाउँपालिका कालिकोट,धर्मराज शाही – रासकोट नगरपालिका–५, कालिकोट, प्रकाश शाही – रासकोट नगरपालिका–५, कालिकोट कविता शाही – रासकोट नगरपालिका–५, कालिकोट, मेनका फर्साल – रासकोट नगरपालिका–६, कालिकोट होइजाली सुनार – शान्नित्रिवेणी–६, कोलिकोट, मंगल कसेरा – बाजुरा,दुर्घटनामा हामफालेर ज्यान जोगाएका चालक प्रेम सुनार र सहचालक प्रेमबहादुर सिंह दुर्घटना लगतै दौडेर राकम प्रहरी चौकीमा पुगेका थिए । चालकले अघिल्लो टायर चिप्लियर नियन्त्रण गुमाएपछि दुर्घटना भएको बताएका छन् ।

दुर्घटनामा घाइतेमध्ये दुईजनालाई हेलिकप्टर र अरु ९ जनालाई एम्बुलेन्सबाट सुर्खेत र नेपालगञ्ज लगिएको छ । अन्तय सातजना घाइतेको ७ राकममै उपचार भइरहेको प्रहरीले जनाएको छ।