Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

पैदलयात्रुको २०० जरिवाना हट्यो तर, क्लास लिनु पर्ने

Tuesday, June 13, 2017 National Power

२९ जेठ, काठमाडौं – चर्को आलोचनापछि जथाभावी सडक पार गर्ने पैदलयात्रीसँग लिइदै आएको २०० रुपैयाँ जरिवाना हटेको छ । तर, कारबाही प्रक्रिया रोकिने छैन ।

गृहमन्त्री जनार्दन शर्माले मंगलबार प्रहरी प्रमुख र ट्राफिक प्रहरी महाशाखा प्रमुखलाई बोलाएर छलफल गरेका थिए । गृहमन्त्री शर्माको निर्देशन पछि नगद जरिवाना हटाइएको हो ।

अब जथाभावी सडक पार गर्नेलाई जरिवाना नगर्ने तर, क्लास लिनु पर्ने व्यवस्था गर्ने ट्राफिक प्रहरी महाशाखाको तयारी छ । महाशाखाका प्रवक्ता लोकेन्द्र मल्लले अनलाइनखबरसँग भने, ‘जथाभावी सडक पार गर्नेहरु धेरै नै घटेका छन् । अब हामी जरिवाना हटाउँछौं । तर, क्लास लिनुपर्छ ।’

जेठ १६ गतेबाट सुरु भएको यो कारबाहीमा झण्डै २० हजार पैदलयात्रु परिसकेका छन् ।

ट्राफिकको अभियान राम्रो भएपनि पर्याप्त जेब्राक्रसिङ नै नभएको र जनचेतनामूलक कार्यक्रम नै नगरी जरिवाना गर्न थालिएको भन्दै आलोचना भएको थियो ।