२९ जेठ, काठमाडौं – नेपाल दूरसञ्चार प्राधिकरणका अध्यक्ष दिगम्बर झामाथि आइतबार बेलुका अनामनगरमा नचिनेका मानिसको समूहले आक्रमणको प्रयास गरेका छन ।
बेलुका ६ बजेतिर कार्यालयबाट घर फर्कँदै गर्दा मदन भण्डारी मेमोरियल कलेज नजिक मोटरसाइकलमा आएका केही युवाले उनी चढेको बा ६ च ५६१६ को गाडीमा आक्रमण गरेका थिए ।
‘मेरो गाडीमा उनीहरुले एकाएक रडले प्रहार गरे, गाडीमा पुरै क्षति भएको छ, पछाडीको भाग र सिसाहरू फुटेको छ” अध्यक्ष झाले भने । उनले घटनाबारे आफूले प्रहरीलाई जानकारी गराएको बताए ।